Першае набажэнства ў новай беларускай грэка-каталіцкай парафіі ў Бэльгіі адбылося 1 чэрвеня. У Антвэрпэн на службу, якую адправіў настаяцель беларускай місіі Ўваскрасеньня Хрыстовага айцец Ян Майсейчык, сабралася больш за паўсотні вернікаў з усіх куткоў Фляндрыі, а таксама зь іншых старон Эўропы.
Наведаў набажэнства й апостальскі візытатар для беларусаў замежжа айцец Аляксандар Надсан, дзякуючы куратарству якога ўзьнікла ўніяцкая грамада.
Грэка-каталіцкі прыход паўстаў на ініцыятыву саміх вернікаў-беларусаў, якія жывуць у краіне. А іх там каля сотні чалавек, якія жывуць ня толькі ў Антвэрпэне, але й у іншых гарадох Фляндрыі ды Валёніі. Літургіі часова адбываюцца ў мясцовым рыма-каталіцкім касьцёле. Аднак уніяцкая суполка мае спадзеў, што зь цягам часу храм можа быць цалкам перададзены ёй — абы вернікі наведвалі службы.
АШ
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары