Кульмінацыйным момантам грузінскай «ружавай рэвалюцыі» быў суботні штурм тысячамі прыхільнікаў апазыцыі гмаху парлямэнту на галоўнай вуліцы гораду — алеі Руставэлі.
Якраз у гэтым месцы адбываліся ўсе найважнейшыя падзеі найноўшай гісторыі Грузіі. Увесну 1989 г. менавіта тут зьбіраліся студэнты, якія дамагаліся незалежнасьці краіны, і тут іх мірнае шэсьце было крывава расстралянае расейскімі войскамі. Узімку 1991 г. на алеі Руставэлі разыгралася вулічная вайна, у выніку якой быў абвешчаны першы прэзыдэнт незалежнай Грузіі Зьвіяд Гамсахурдзія. Суботнім вечарам 22 лістапада, напярэдадні дня сьвятога Георгія, заступніка Грузіі, штурм парлямэнту распачалі прыхільнікі грузінскай апазыцыі, якія на працягу трох тыдняў пратэставалі супраць фальсыфікацыі парлямэнцкіх выбараў 2 лістапада. Лідэр апазыцыі Міхаіл Саакашвілі заявіў, што не дапусьціць перадачы функцый новаму парлямэнту і абраньня яго старшыні.
Поўны варыянт артыкулу глядзіце ў газэце "Нашa Ніва".
ФС; паводле «Gazety Wyborczej»
Каментары