Прэзідэнт ЗША ў размове з Fox News чарговы раз выказаў меркаванне, што прэзідэнт Расіі Уладзімір Пуцін «стаміўся» ад вайны. Інтэрв’ю, апублікаванае 16 мая, было запісана да таго, як сталі вядомыя вынікі сустрэчы 16 мая расійскай і ўкраінскай дэлегацый у Стамбуле.
Пры гэтым на пытанне вядучага, ці лічыць ён Пуціна перашкодай для дасягнення міру, Трамп не даў прамога адказу.
«Я думаю, што Пуцін стаміўся ад усяго гэтага. Ён выглядае дрэнна, а хоча выглядаць добра. Не забывайце, бо ўсё гэта павінна было скончыцца за тыдзень. І калі б ён не завяз у гразі са сваімі танкамі, яны былі б у Кіеве праз пяць гадзін», — адзначыў Трамп.
Прэзідэнт ЗША таксама зноў заявіў, што без яго мірнае ўрэгуляванне немагчымае, і паведаміў пра намер сустрэцца з расійскім лідарам. «У мяне вельмі добрыя адносіны з Пуціным. Я думаю, мы дасягнем пагаднення», — сказаў ён.
Каментары
На жаль гэты жулік і банкрот яшчэ па сумяшчальніцтву Прэзідэнт ЗША