Гурт «Крамбамбуля» адчыніў першы ў Беларусі паштамт новага, сьвяточнага тыпу.
З яго дапамогай кожны жадаючы можа бесплатна даслаць электронную віншавальную паштоўку сваім родным, сябрам і знаёмым. Трапіць туды можна праз афіцыйны сайт krambambulya.com
«Што робіць кожны культурны чалавек, калі надыходзіць свята? Правільна, спачатку віншуе з ім сваіх сяброў і знаёмых, а потым ужо святкуе сам, — лічыць лідэр гурта Лявон Вольскі. — Менавіта таму нам падалося, што святочны паштамт — гэта цалкам лагічны і неабходны дадатак да нашага новага альбому «Крамбамбуля Святочная». Мы — за культурны лад жыцця».
Усе паштоўкі намаляваў вядомы беларускі мастак Міхал Анемпадыстаў. Сярод прадстаўленых на паштамце святаў ёсць персанальныя (дзень нараджэння, вяселле) і масавыя (Но
вы год, Купалле), модныя (дзень св. Валянціна, дзень св. Патрыка, Хэлаўін) і не вельмі (1 мая, 7 лістапада). Разам з кожнай паштоўкай адрэсат атрымлівае песню «Крамбамбулі», прымеркаваную да кожнага свята.
Між тым спецыяльна для жыхароў іншых рэгіёнаў свету, святочны паштамт мае таксама англійскую версію, у якой на паштоўках змешчаны спецыяльныя каментары да пэўных святаў ды узоры вымаўлення розных віншаванняў па‑беларуску.
Дарэчы, хутка (з 6 на 7 ліпеня) Купалле — час віншаваць!
Каментары