Эканамічны рост
Крытыкі: «Вынік спрыяльнай каньюнктуры, рост адбываецца ва ўсіх краінах СНД, незалежна ад таленту іхных кіраўнікоў. У Беларусі затое не праведзена мадэрнізацыя эканомікі, не рэфармаваны адносіны ўласнасьці».
Стабільнасьць
Крытыкі: «Гэта слова, якое нічога ня значыць. Што, у Літве ці Фінляндыі нестабільнасьць? Гэта фасад, за якім масава парушаюцца правы чалавека, калі асоба бяспраўная перад сыстэмай, а сама сыстэма ў доўгатэрміновым пляне няўстойлівая, бо не грунтуецца на праве і прыватнай уласнасьці».
Добраўпарадкаваньне і чысьціня
Крытыкі: «Паказуха і безгустоўнасьць».
Захаваньне незалежнасьці
Крытыкі: «Насуперак ягонай волі. Міжнародная ізаляцыя і адсутнасьць шанцаў на ўваходжаньне ў Эўразьвяз, без чаго краіна застаецца на задворках».
Нізкая карупцыя
Крытыкі: «Гэта не заслуга Лукашэнкі, а нацыянальная асаблівасьць».
Сацыяльная абароненасьць
Крытыкі: «Дэградацыя і сьпіваньне, асабліва вясковага насельніцтва, набылі нечуваныя памеры. Упершыню ў Беларусі сталі піць больш, чым у Расеі».
Фармаваньне ўласнае палітычнае эліты
Крытыкі: «Лукашэнка раскалоў грамадзтва, дзеліць людзей на сваіх і чужых, пашырае хамства і нецярпімасьць».
Посьпехі ў спорце
Крытыкі: «Наадварот, спорт не атрымаў саліднай базы і спонсараў. А якое Лукашэнка мае дачыненьне да генэтычнага патэнцыялу волатаў-беларусаў?»
Міжнацыянальны мір
Крытыкі: «А ў Беларусі і так ніколі не было міжнацыянальных канфліктаў. Затое ніколі раней не шальмаваліся нацыянальная мова і культура».
Захаваньне ўсеагульнай адукацыі
Крытыкі: «Павелічэньне адрыву ад перадавых краін, зьніжэньне прэстыжу адукацыі, заняпад сярэдняй школы».
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары