Адзінаццаты тур чэмпіянату Беларусі па футболе завяршаў матч між менскім “Дынама” і барысаўскім БАТЭ, ён стаў адзіным вынесеным на чацьвер, іншыя сустрэчы прайшлі на дзень раней.
Адзінаццаты тур чэмпіянату Беларусі па футболе завяршаў матч між менскім “Дынама” і барысаўскім БАТЭ, ён стаў адзіным вынесеным на чацьвер, іншыя сустрэчы прайшлі на дзень раней.
За часы незалежнага беларускага чэмпіянату гэтае супрацьстаяньне стала найбольш прынцыповым. Стабільна і “Дынама”, і БАТЭ ўваходзяць у асноўнае кола фаварытаў першынства, але ня сёлета. У гэтым чэмпіянаце каманды знаходзяцца на розных палюсах турнірнай табліцы, БАТЭ яе ўзначальвае, а менскае “Дынама” – толькі ў другой палове.
Учорашняя сустрэча была адпаведнай сёньняшняй сіле клюбаў, бо гулялі не два лідэры нацыянальнага першынства, а фаварыт і аўтсайдэр.
Матч ужо пачаўся, а ў фанацкім сэктары “Дынама” не было ніводнага чалавека. Фаны пачалі зьяўляцца на стадыёне, калі лік ужо быў адкрыты. Першая ж атака БАТЭ была выніковай. Крывец акуратным нізавым ударам накіраваў мяч у далёкі вугал брамаў Юрчанкі.
Фанацкі сэктар на працягу гульні быў самым маўклівым на стадыёне, адтуль не данеслася ніводнай крычалкі. Фаны патрабуюць адстаўкі кіраўніка клюбу Юр’я Чыжа. Яны ўжо накіравалі ліст з такім патрабаваньнем Лукашэнку, пад зваротам падпісалася 1700 чалавек.
Потым БАТЭ забіў яшчэ двойчы. Галы на рахунку Блізьнюка і Жаўнерчыка.
“Дынамаўцы” сіліліся, каб забіць хаця б гол прэстыжу, але нават і гэта ў іх не атрымалася. БАТЭ, здаецца, мог забіць і болей, але каманда ў канцы матча перайшла ў рэжым зьберажэньня сілаў. Канчатковы вынік 3:0.
Астатнія матчы туру прынесьлі наступныя вынікі: “Нафтан” – “Тарпэда” 1:1, “Дарыда” – “Нёман” 0:1, “Гомель” – “Дынама” (Берасьце) 4:1, “Шахцёр” – “Віцебск” 1:2, МТЗ-РІПА – “Смургоні” 2:2, “Дняпро” – “Менск” 0:0.
Турнірная табліца пасьля адзінаццаці тураў выглядае наступным чынам: БАТЭ – 27 пунктаў, МТЗ-РІПА – 21, “Нёман”, “Тарпэда” – па 20, “Гомель” – 18, “Шахцёр” – 15, “Смургоні” – 14, “Віцебск”, “Дынама” (Берасьце), “Дынама” (Менск) – па 12, “Нафтан” – 11, “Дняпро” – 10, “Дарыда”, “Менск” – па 8.
Найлепшы бамбардзір Раман Васілюк (“Гомель”) – 13 галоў.
Цяпер чытаюць
Беларуска набіла на целе партрэты Лукашэнкі і яго сыноў, Умкі, Пуціна ды Сі Цзіньпіна12
Каментары