Каня засьпелі на допінгу
Міжнародная фэдэрацыя коннага спорту пазбавіла залатога мэдаля Атэнскай алімпіяды ірляндца Шона О’Конара. У крыві каня спартоўца Ўотэфарда Крыстала былі знойдзены сьляды забароненых прэпаратаў — флюфазаніну і цыкляпэнтыксолу. Ірляндыя пазбавілася адзінага «золата» Алімпіяды, а О’Конар прапусьціць тры месяцы праз накладзеную дыскваліфікацыю. Ці будуць накладзены санкцыі на каня, не паведамляецца.
Менскі фінал
У фінале Адкрытага чэмпіянату Беларусі па хакеі сышліся сталічныя «Юнацтва» і «Керамін». Першыя абыгралі ў паўфінале магілёўскае «Хімвалакно», другія — кіеўскі «Сокал». Фінальная сэрыя — да чатырох перамог. Матчы 31 сакавіка, 3, 4, 6, 8, 10 красавіка. Першы матч прайшоў у сераду. Як паведамілі «НН» у фэдэрацыі хакею, усе гульні сэрыі пройдуць у Палацы спорту на Машэрава. Пачатак у будныя дні ў 18.30, у выходныя — у 13.00.
Летась менскія клюбы таксама гулялі ў фінале, тады «Юнацтва» выйграла зь лікам 3:0.
Дзюдо па-беларуску
У мінулы ўік-энд у Менску і Таліне прайшлі этапы Кубку сьвету па дзюдо. У горадзе над Сьвіслаччу сабраліся спартоўкі з 12 краін. Два залатыя мэдалі заваявалі беларускі — Тацяна Масквіна (вагавая катэгорыя да 48 кг) і Юлія Барысік (звыш 78 кг). У Таліне прайшоў мужчынскі міжнародны турнір. Беларусы таксама прывезьлі адтуль два першыя месцы — «золата» здабылі Сяргей Шундзікаў (да 81 кг) і Аляксандар Шлык (да 66 кг).
Шляхам Эрнста Рэма
Міністэрства спорту Нямеччыны пакарала сваіх футбольных фанатаў, якія літаральна разьнесьлі ў мінулую суботу горад Цэле, дзе праходзіў таварыскі (!) матч між зборнымі Славеніі й Нямеччыны, які скончыўся перамогай гасьцей — 0:1. «Учынкі гэтых хуліганаў — ганьба для нашай краіны. Сапраўдныя заўзятары міралюбныя і атрымліваюць задавальненьне ад футболу», — заявіў міністар спорту Ота Шылі.
АР
Цяпер чытаюць
Лукашэнка хоча паставіць на «Паланэзы» ядзерныя боегалоўкі18
Каментары