20 vieraśnia ministar justycyi Viktar Hałavanaŭ padpisaŭ pastanovu. U dakumencie, u pryvatnaści, havorycca: «Pry praviadzieńni mierapryjemstvaŭ palityčnaha charaktaru mahčyma stvareńnie blokaŭ palityčnych partyj… a taksama stvareńnie tych ci inšych ruchaŭ, inicyjatyŭ, kaalicyj, jakija abjadnoŭvajuć hramadzian abo jurydyčnych asobaŭ. Dziejnaść takich abjadnańniaŭ mahčyma tolki paśla ich dziaržaŭnaj rehistracyi».
Minjust choča stvaryć barjer na šlachu kamunikacyi palitykaŭ i hramadzkich aktyvistaŭ z hramadztvam. Amal usie niezaležnyja hramadzkija inicyjatyvy pazbaŭleny rehistracyi. Zarehistravać novuju niemahčyma. Raniej apazycyja ihnaravała zabarony, stvarajučy hramadzianskija inicyjatyvy (jak «Chartyja-97») i ruchi (jak «Vola Narodu»), jakija pavodle zakonu nie vymahali rehistracyi.
Na dumku jurysta Jurja Čavusava, «hetaja pastanova nakiravana nia suprać šarahovych aktyvistaŭ niezarehistravanych ruchaŭ i nia suprać niedziaržaŭnych ŚMI — hetyja normy i tak jość u Administracyjnym kodeksie i ŭ Zakonie ab druku. Chutčej, hetaja pastanova tłumačalnaja. Jana źviartaje ŭvahu zacikaŭlenych udzielnikaŭ palityčnaha pracesu na toje, što niezarehistravanyja ruchi j inicyjatyvy Minjust budzie traktavać jak niezarehistravanyja hramadzkija abjadnańni. Tendencyja chilicca da zabarony hetych ruchaŭ, kab jany naahuł nie abviaščalisia j nie stvaralisia. Lavonaŭ, Frałoŭ, Vajtovič i inšyja hramadzkija asoby, jakija publična zajaŭlajuć pra stvareńnie jakoha-kolviek ruchu, — voś sapraŭdnyja adrasaty».
Jak na heta maje reahavać niezaležnaje hramadztva? «Toje, što rabili raniej, — miarkuje Ju.Čavusaŭ. — Adzinaje, raju ludziam źviartacca ŭ Kanstytucyjny sud, kab toj rastłumačyŭ, čamu ŭ zakonie pra CVK napisana, što palityčnyja bloki rehistrujucca ŭ CVK, a ŭ pastanovie Minjustu — što jany rehistrujucca ŭ Minjuście».
Źmicier Dryhajła
Ciapier čytajuć
«Kali ŭžo siudy prylacić ukrainskaja rakieta!» Vyzvaleny žurnalist Jaŭhien Mierkis raskazaŭ pra škłoŭskuju kałoniju1
Kamientary