Prezydent zapatrabavaŭ pavysić kolkaść turystaŭ u 20 razoŭ, a prybytak u 300 razoŭ.
Dva tydni tamu Ministerstva sportu j turyzmu vystupiła ź inicyjatyvaj vyzvalić ad vypłaty PDV turystyčnyja ahiencyi, jakija prymajuć zamiežnych haściej u Biełarusi dy arhanizujuć ekskursijnyja prahramy ŭ Biełarusi. Atrymajuć taksama ilhoty kampanii, što raźvivajuć turystyčnuju infrastrukturu na vioscy.
Ciaham 2006—2010 h. Biełaruś maje vydatkavać na realizacyju zaćvierdžanaj uradam nacyjanalnaj prahramy raźvićcia turyzmu 21,325 młrd rubloŭ. Srodki pavinny być nakiravanyja na prasoŭvańnie nacyjanalnaha turystyčnaha praduktu. Siarod zadačaŭ prahramy — «zabieśpiačeńnie systemy novych padychodaŭ dziaržaŭnaha rehulavańnia ŭ turyźmie, pavieličeńnie roli dziaržavy ŭ kiravańni halinoj, prasoŭvańnie biełaruskaha praduktu na suśvietny rynak turystyčnych pasłuh, raźvićcio małoha pradprymalnictva».
Dziela dasiahnieńnia hetaha treba ŭdaskanalvać zakanadaŭstva pa pytańniach unutranaha i ŭjaznoha turyzmu, spraščać vizavyja pracedury, mytny j pamiežny kantrol. Zdavałasia, pieršy krok byŭ zrobleny pry kancy červienia, kali pałata pradstaŭnikoŭ pryniała ŭ pieršym čytańni zakonaprajekt ab uniasieńni źmien u zakon ab turyźmie. Aproč taho, Minsportu (jašče za Sivakovym) uniesła va ŭrad prajekt nacyjanalnaj prahramy raźvićcia turyzmu. Ale toj varyjant zaviarnuŭ asabista A.Łukašenka. Piarečańnie vyklikała zakładzienaja ŭ prahramie suma prybytku ad turyzmu ($400 młn štohod, što ŭ 30 razoŭ pieravyšaje ŭzrovień minułaha hodu) i pavieličeńnie kolkaści zamiežnych turystaŭ — z 67 500 turystaŭ na hod (2004) da 114 300 u 2010-m. Prezydent zapatrabavaŭ pavysić kolkaść turystaŭ u dvaccać razoŭ, a prybytak u 300 razoŭ.
Turyzm źjaviŭsia čarhovaj halinoj, u jakoj dziaržava planuje navodzić paradak. Ale vopyt inšych halinaŭ pakazaŭ, što, pačuŭšy pra pavieličeńnie roli dziaržavy ŭ kiravańni halinoj, investary nie śpiašajucca ŭkładać u jaje hrošy.
«ZŠA chočuć narmalizacyi litoŭska-biełaruskich adnosin. Adsiul i ruchi z ofisam Cichanoŭskaj»23
Kamientary