Lehiendzie Halivuda i muzie Vudzi Alena było 79 hadoŭ.
Lehienda Halivuda i łaŭreatka «Oskara» Dajan Kitan pamierła va ŭzroście 79 hadoŭ.
Aktrysa, čyja bliskučaja karjera achoplivaje bolš za paŭstahodździa, pamierła ŭ Kalifornii, piša New York Post.
Kitan, jakaja zdabyła viadomaść u 1970‑ia hady, źniałasia ŭ takich chitach, jak «Chrosny baćka», «Eni Choł», «Bebi-bum», «Kłub pieršych žonak» i «Niešta pavinna zdarycca».
U jaje zastalisia dvoje dziaciej: 29‑hadovy Dekster i 25‑hadovy Dziuk.
Kitan, jakaja naradziłasia ŭ Łos-Andželesie, debiutavała ŭ kino ŭ 1970 hodzie ŭ filmie «Zakachanyja i inšyja nieznajomcy».
U 1972 hodzie jana stała šyroka viadomaj dziakujučy zornaj roli Kiej Adams-Karleone ŭ «Chrosnym baćku», dzie zdymałasia razam z Marłanam Branda i Ałam Pačyna, ź jakim u jaje byli adnosiny na praciahu niekalkich hadoŭ.
U tym ža hodzie Kitan źniałasia razam z Vudzi Alenam u filmie «Zhulaj jašče raz, Sem». Para niekatory čas sustrakałasia, paśla čaho ich adnosiny stali płataničnymi.
Adnak heta pakłała pačatak šmatdziesiacihadovamu supracoŭnictvu — i siabroŭstvu na ŭsio žyćcio — pamiž imi. Jany pracavali razam nad vaśmiu filmami, u tym liku nad «Eni Choł», za jaki Kitan atrymała «Oskar» u 1978 hodzie. Siarod inšych pryznanych filmaŭ Alena, u jakich źniałasia aktrysa, — «Interjery», «Mancheten» i «Dni radyjo».
Kitan praciahvała zdymacca ŭ paśpiachovych filmach na praciahu 1980‑ch i 1990‑ch hadoŭ, źniaŭšysia ŭ «Bebi-bumie», «Baćku niaviesty» i «Kłubie pieršych žonak».
-
Film «Kłasnaja»: pahladzieli jaho, kab zrazumieć, jakimi «jany» chočuć bačyć «nas»
-
Novy film z Dy Kaprya idzie amal try hadziny, a scenar da jaho pisaŭsia 20 hadoŭ. Ci varta hladzieć?
-
U Kitai aŭstralijski film puścili ŭ prakat źmienienym z dapamohaj štučnaha intelektu. Hiej-paru pieratvaryli ŭ hieterasieksualnuju
«ZŠA chočuć narmalizacyi litoŭska-biełaruskich adnosin. Adsiul i ruchi z ofisam Cichanoŭskaj»9
Kamientary