Sys i soram
U prysutnaści Anatola Sysa adčuvaŭsia raźlity ŭ pavietry soram. Zdavałasia b, musiŭ prysutničać honar, taki kryšku nachabny, ź lohkim vodaram harełki, vajskova-mužčynski honar… Nie! Saładkavaty, vinny, krychu klejki duch soramu vyparvaŭsia z Sysa. Soram za jaho, soram za siabie, soram za našu biełaruščynu… Kab pazbycca hetaha svajho soramu, Sys i knihu svaju apošniuju nazyvaŭ «Jahamość», tolki vyjšła taja kniha adno ŭ zborniku, a zbornik toj Anatol pasaromieŭsia nazvać «Jahamość» i nazvaŭ «Sys».
Dubaviec i Vostraja brama
Kali Dubaŭcu skazać, što jahonaja biełaruščyna nie zusim biełaruščyna, jon nie zrazumieje. Rastłumaču… Biełaruščyna Dubaŭca «błahopriobrietiennaja», a nie «priroždiennaja». Abiedźvie biełaruščyny dobra, a nia błaha. Abiedźvie majuć prava na isnavańnie. «Błahopriobrietiennaja» biełaruščyna ŭ naš čas navat bolš papularnaja i zapatrabavanaja, bo jana bolš amerykanskaja, bolš savieckaja, bolš dziaržavastvaralnaja, bolš prahmatyčnaja, bolš kanstruktyŭnaja… Tolki ŭ tym paetyčnym nacyjanaliźmie, jaki časam idealizuje Dubaviec, pryrodžanaja biełaruščyna pieršasnaja, a nabytaja — druhasnaja. Praz hetuju supiarečnaść Dubaviec nia moža ruchacca pastupalna, a biažyć pa kole i vypadaje z aktualij. Kab ruchacca pastupalna, Dubaŭcu varta było admovicca ad ramantyzacyi nacyjanalistyčnych śvietahladaŭ, dzie antrapalohija, ź jaje hołasam kryvi, daminuje. Treba było pahladzieć na śviatuju Vostruju bramu z boku Eŭropy, z boku Vilni, a nia z boku Šumsku dy Kiemiališak. A kniha Siarhieja Dubaŭca «Vostraja brama» — heta pohlad na śviatyni z dupła suchadreviny.
Dziatlikovič i rok-n-roł
Kali muzyčny žurnalist piša pra hurt nakštałt «N.R.M.», jon u padtekście pakidaje svaju ščyruju luboŭ da «REM». Taki i chvalić «N.R.M.», i analizuje ich tvorčaść, i padtrymku reklamnuju arhanizoŭvaje, ale lubvi sapraŭdnaj nie schavaješ, luboŭ da «REM» tyrčyć jak ćvik u bocie. U knizie Dziatlikoviča «Ich «Mroja». Ich «N.R.M.» lubvi da «REM» niama. Navat dziŭna robicca. Nu chiba možna tak lubić «Mroju»? Nu chiba možna tak zachaplacca «N.R.M»? Možna! Kniha — dokaz hetaj lubvi.
Ciapier čytajuć
Alaksandra Šakucina adpuścili paśla troch sutak u SIZA6
Alaksandra Šakucina adpuścili paśla troch sutak u SIZA
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary