Zadańnie na viasnu
U paniadziełak, 26 vieraśnia, prajšło losavańnie čverćfinałaŭ Kubku Biełarusi pa futbole. Matčy 1/8 finału prajšli 21 vieraśnia, u pryvatnaści, sioletni ŭładalnik Kubku, mienski MTZ-RIPA, prajhraŭ salihorskamu «Šachtaru». Takim čynam, u nastupnym krasaviku zhulajuć: «Homiel» — «Chimik» (Śvietłahorsk, pieršaja liha), «Dynama» (Miensk) — «Šachtar» (Salihorsk), «Dynama» (Bieraście) — BATE (Barysaŭ), «Zorka-BDU» — «Baranavičy» (pieršaja liha). Pieramožcy vyznačacca pa vynikach dźviuch hulniaŭ.
Prabilisia sa skrypam
Mužčynskaja tenisnaja zbornaja ź ciažkaściu viarnułasia ŭ asnoŭnuju hrupu Kubku Devisa. 23—25 vieraśnia ŭ Taronta (Kanada) Maksim Mirny i Ŭładzimier Vaŭčkoŭ vyjhrali ŭ zbornaj Kanady ź likam 3:2, sastupajučy paśla dvuch dzion — 1:2. Pieramoha dała mahčymaść padniacca na dziaviataje miesca ŭ ahulnym rejtynhu. Supiernik biełarusaŭ pa 1/8 finału, što projdzie budučaj zimoj, vyznačycca ŭ najbližejšy čas. A sioleta finał Kubku Devisa budzie słavianskim: za hałoŭny pryz pazmahajucca zbornyja Charvatyi i Słavaččyny.
Razhrom u Švecyi
Žanočaja zbornaja Biełarusi pa futbole prajhrała ŭ svaim trecim matčy adboračnaha turniru čempijanatu śvietu lideram svajoj hrupy zbornaj Švecyi ź likam 0:6. Paśla troch hulniaŭ biełaruski zajmajuć u svajoj kvalifikacyjnaj hrupie pieradapošniaje piataje miesca, majučy tolki adzin bał. Nastupnaja hulnia suprać iślandak 6 traŭnia ŭ Miensku. Suajčyńnicy Bjork pakul zajmajuć u našaj hrupie druhoje miesca.
AR, «Football.by»
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?7
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4343
Kamientary