Napiaredadni sustrečy z prezidentam Ukrainy Uładzimiram Zialenskim prezident ZŠA Donald Tramp pravioŭ telefonnuju razmovu z rasijskim lidaram Uładzimiram Pucinym. Pra heta sam Tramp paviedamiŭ u svajoj sacyjalnaj sietcy Truth Social, abiacajučy paźniej raskazać bolš padrabiazna.
«Ja ciapier razmaŭlaju z prezidentam Pucinym. Razmova praciahvajecca, jana budzie praciahłaj, i ja, jak i prezident Pucin, raskažu pra jaje źmiest paśla jaje zakančeńnia», — napisaŭ Tramp u sacsietcy Truth Social 16 kastryčnika.
Jak paviedamlała raniej vydańnie Axios sa spasyłkaj na krynicy, Tramp źbiraŭsia abmiarkoŭvać z Pucinym vajnu va Ukrainie.
Hetaja razmova była pieršaj za amal dva miesiacy, ad času papiaredniaha niepasrednaha kantaktu Trampa z Pucinym prajšło 59 dzion.
Razmova adbyłasia za dzień da taho, jak Tramp budzie prymać u Biełym domie Uładzimira Zialenskaha. Na sustrečy amierykanski i ŭkrainski prezidenty płanujuć abmierkavać mahčymaść pastaŭki Ukrainie dalnabojnych rakiet «Tamahaŭk».
Sam Tramp skazaŭ žurnalistam, što razmova ź Zialenskim budzie pra vajnu i pra namier Ukrainy pačać nastupalnyja dziejańni. Jon adznačyŭ, što budzie prymać rašeńnie pa hetym pytańni, ale ŭkrainski bok choča pierajści ŭ nastupleńnie, i ZŠA pavinny buduć reahavać adpaviedna.
Tramp: Turcyja moža dapamahčy skončyć vajnu va Ukrainie
Tramp prapanuje finansavać pieramohu Ukrainy za košt Kitaja
Tramp pairanizavaŭ z Pucina, raskazaŭšy pra sustreču Uitkafa ź im
Tramp: ZŠA mohuć pieradać Ukrainie rakiety «Tamahaŭk», kali Rasija nie pakładzie kaniec vajnie ŭ najbližejšy čas
U ZŠA anansavali «vialikuju zajavu» pa pastaŭkach zbroi Ukrainie
Tramp siońnia vystupić u Biełym domie z abviestkaj
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary