Sport ścisła

«Šachtar» — daterminovy čempijon

U minułuju subotu salihorski «Šachtar» za dva tury da finišu zavajavaŭ załatyja medali čempijanatu Biełarusi pa futbole. 22 kastryčnika harniaki ŭpeŭniena pieramahli na svaim poli žodzinski «Tarpeda» — 4:0. Ciapier hałoŭnaja intryha nacyjanalnaha pieršynstva palahaje ŭ tym, chto zavajuje siarebranyja i bronzavyja medali i, adpaviedna, pucioŭki ŭ Kubak UEFA i Kubak Intertota.

Na pryzavyja miescy pretendujuć ažno šeść kamandaŭ — «Dynama» (Miensk), «Tarpeda» (Žodzina), MTZ-RIPA (Miensk), BATE (Barysaŭ), «Dniapro» (Mahiloŭ), «Homiel».

Sioje-toje moža prajaśnicca ŭ najbližejšuju niadzielu (30 kastryčnika), kali na staličnym stadyjonie «Dynama» turu zhulajuć mienskaje «Dynama» i «Šachtar». Kiraŭnictva hałoŭnaj areny krainy zrabiła ŭvachod na stadyjon biaspłatnym, dyj synoptyki abiacali ŭ hety dzień pahodu. Pačatak matču a 14-j.

Kitajski mur

Nu Kubku śvietu pa nastolnym tenisie, što prajšoŭ na minułym tydni ŭ belhijskim Lježy, Uładzimier Samsonaŭ zaniaŭ čaćviortaje miesca. U turniry brali ŭdzieł 16 najmacniejšych tenisistaŭ śvietu, bolšaść, pa tradycyi, pradstaŭniki Azii. Niahledziačy na padtrymku trybun — Uładzimier hulaje taksama za belhijski «Šarlerua», — u paŭfinale biełarus prajhraŭ kitajcu Van Chao, a ŭ matčy za treciaje miesca — va ŭpartaj baraćbie jahonamu suajčyńniku, adnamu z samych tytułavanych tenisistaŭ śvietu Ma Liniu ŭ šaści setach. Nahadajem, što Samsonaŭ dvojčy pieramahaŭ u Kubku śvietu — u 1999 i 2001 hadach.

Cholifiłd viartajecca

Paćviardžajucca čutki pra toje, što były čatyrochrazovy čempijon śvietu ŭ superciažkaj vazie Evander Cholifiłd, jakomu Majk Tajsan niejak adkusiŭ vucha, pradoŭžyć svaju karjeru ŭ Eŭropie — Atletyčnaja kamisija štatu Ńju-Jork adchiliła jaho ad vystupaŭ na prafesijnym rynhu ŭ ZŠA. Cholifiłdu prapanavali 17 śniežnia vystupić na turniry ŭ Niamieččynie.

Ramanaŭ šukaje trenera

Litoŭski biznesoviec Uładzimier Ramanaŭ, ułaśnik futbolnaha chołdynhu, što jadnaje kluby «Charts» (Edynburh), «Kaŭnas» i MTZ-RIPA (Miensk), šukaje novaha hałoŭnaha trenera dla šatlandzkaha klubu. Na post hałoŭnaha trenera «Chartsu» — Ramanaŭ na dniach vykupiŭ čarhovuju porcyju akcyj edynburhskaha klubu — razhladajecca niekalki kandydatur, siarod ich takija znanyja futbolnyja specylisty jak ser Bobi Robsan dy italjaniec Nevijo Skała. Apošni taksama razhladajecca ŭ jakaści «koŭča» nacyjanalnaj zbornaj Biełarusi. U budučy trenieerski štab edynburhcaŭ užo ŭvajšoŭ Valdas Ivanaŭskas — eks-paŭabaronca vilenskaha «Žalhirysu» i «Hamburhu». Jon budzie pracavać pamočnikam hałoŭnaha trenera.

Paśla 11 turaŭ «Charts» u čempijanacie Šatlandyi zajmaje pieršaje miesca, apiaredžvajučy asnoŭnaha kankurenta «Sełtyk» (Hłazha) na try punkty. Letašni čempijon «Hłazha Rejndžarz» maje 20 bałaŭ. Vydatna było b, kab edynburžcy pierarvali hiehiemoniju klubaŭ z Hłazha.

AR, belta.by, sport-express.ru

• 0
• 0
• 0
• 0
• 0
• 0
• 0
• 0