Miensk, 7 listapada. Milicyjanty prymusili maładzionaŭ z rasiejskaj lavackaj arhanizacyi AKM («Avanhard čyrvonaj moładzi») źniać paviazki z symbolikaj arhanizacyi. Prychilniki levych idejaŭ u hety dzień uskładali kvietki da pomnika Leninu.
Aŭtuchovič praciahvaje haładavać
Leninski rajonny sud Horadni 4 listapada admoviŭsia źmianić mieru strymańnia dla vaŭkavyskaha pradprymalnika Mikałaja Aŭtuchoviča. Zatrymany praciahvaje haładoŭku.
Kalučy drot Leninu
U Salihorsku 7 listapada maładyja ludzi ŭskłali vianki z kalučaha drotu da pomnika Leninu. Na adnym byŭ nadpis «Achviaram tatalitaryzmu 1917—1991», na druhim — «Achviaram tatalitaryzmu 1994—2005». Zatrymali 5 udzielnikaŭ akcyi. Adnaho ź ich, Paŭła Batujeva, nieŭzabavie vypuścili.
Bieł-čyrvona-bieły ściah na šlachu Łukašenki
7 listapada milicyjanty pasprabavali ŭvarvacca ŭ kvateru Źmitra Hołubieva ŭ Miensku: jon vyviesiŭ anhielski ściah, jaki milicyjanty pryniali za biełaruski nacyjanalny, padčas prajezdu Łukašenkavaha kartežu na adkryćcio stancyj metro. Źmicier Hołubieŭ — syn Valancina Hołubieva, deputata Viarchoŭnaha savietu (1990—1995).
Kab nie stvaryli partyju
3 listapada stała viadoma, što Valer Levanieŭski pieraviedzieny sa špitalu ŭ Ivacevickuju kaloniju. Svajaki źviazvajuć heta z tym, što ŭ mienski špital pieraviali druhoha palitviaźnia — Michaiła Maryniča.
Termin skaracili
Namieśnicy kiraŭnika niezarehistravanaj hramadzianskaj inicyjatyvy «Partnerstva» Eniry Branickaj, asudžanaj na 15 sutak aryštu, Mienski haradzki sud 4 listapada skaraciŭ termin da 10 sutak.
Zavadzkuju vyklikali ŭ sud
Śviatłanu Zavadzkuju vyklikali ŭ sud Centralnaha rajonu Miensku na 11 listapada jak zajaŭnicu «pa skarzie ab admovie ŭ zaviadzieńni kryminalnaj spravy». Jana skardziłasia na śledčaha, jaki admoviŭsia pačynać kryminalnuju spravu pa fakcie źbićcia jaje amonaŭcam padčas vuličnaj akcyi.
Toŭścik vypuścili
Aktyvistcy niezarehistravanaj arhanizacyi «Zubr» Irynie Toŭścik 2 listapada vydali pašpart z dazvolnym štampam na vyjezd za miažu. Raniej jaje pašpart «tarmaznuli» supracoŭniki KDB.
Sasim šukaje praŭdy
«Zubroviec» Mikita Sasim 2 listapada atrymaŭ adkaz z sudu Maskoŭskaha rajonu na skarhu na dziejańni milicyi 16 vieraśnia: kali jon trapiŭ u bolnicu z strasieńniem mozhu. Sud admoviŭsia prymać zajavu da razhladu, bo nia byŭ vykanany paradak dasudovaj vytvorčaści, chacia nasamreč u takich vypadkach dapuskajecca niepasredny zvarot u sud. Sasim maje padać skarhu ŭ Mienski haradzki sud.
Pisalnika znoŭ papiaredzili
Prakuratura Leniskaha rajonu Horadni 2 listapada aficyjna papiaredziła žurnalista Andžeja Pisalnika za «abrazu biełaruskaha narodu». Padstavaj staŭ artykuł u hazecie «Hłos z-nad Niemna», jakaja ciapier vydajecca ŭ Polščy.
Pryhody z «Narodnaj volaj»
3 listapada haradzienskija milicyjanty addali zatrymanyja 1 listapada 3400 asobnikaŭ hazety «Narodnaja vola».
Raspaŭsiudnik hazety Pavał Batujeŭ 3 listapada padaŭ skarhu ŭ mienskuju prakuraturu na dziejańni milicyi: 25 kastryčnika jaho razam z Alesiem Mazanikam zatrymali padčas raspaŭsiudu hazety.
Razborki z hazetami
Ministerstva infarmacyi 24 kastryčnika vydała zahad pra skasavańnie rehistracyi niedziaržaŭnaj hazety «Kuŕjer iz Borisova». Padstava — rašeńnie haspadarčaha sudu Mienskaj vobłaści ad 22 žniŭnia.
Polskija spravy
Rada Sajuzu palakaŭ na čale z Anžalikaj Borys 1 listapada vymušana była sabracca ŭ Biełastoku, bo ŭ Biełarusi zrabić hetaha nia zdoleli: pryjechali 18 z 35 čalcoŭ.
Aktyvistku SPB Anžaliku Arechvu, jakaja jechała ŭ Biełastok, 3 listapada nia vypuścili ŭ Polšču: na čyhunačnym vakzale ŭ Horadni ŭ jaje zabrali pašpart, bo pamiežniki «zasumniavalisia» ŭ praŭdzivaści dazvolnaha štampu.
Miečysłava Jaskieviča, aktyvista SPB, 3 listapada dapytali ŭ jakaści śviedki pa «ščučynskaj spravie».
Prafsajuzy ŭ Mahilevie
2 listapada namieśnik kiraŭnika pa idealahičnaj rabocie Mahiloŭskaha aŭtamabilnaha zavodu zapatrabavaŭ u staršyni filii prafsajuzu radyjoelektronnaj pramysłovaści Alaksandra Karytkina śpisy siabroŭ bazavaj supołki. Karytkin davać śpisy admoviŭsia.
Sud Leninskaha rajonu Mahilova 3 listapada admoviŭ aktyvistu prafsajuzu REP Jurasiu Darašenku: jon apratestoŭvaŭ zahad administracyi Mahileŭskaha metalurhičnaha zavodu pra zvalnieńnie z pracy. Farmalna jaho zvolnili za prahuły, chacia sam jon śćviardžaje — za krytyku: u abaznačany čas jon chvareŭ, na što maje medycynskuju daviedku.
Prafsajuzy vysialajuć
Filijał Svabodnaha prafsajuzu Biełaruskaha na AAT «Połacak-Škłovałakno» pazbavili pamiaškańnia z 1 listapada: administracyja pradpryjemstva admoviłasia praciahvać damovu na arendu.
Zatrymali za «Narodnuju volu»
Pry razdačy hazety «Narodnaja vola» 27 kastryčnika ŭ Miensku byli zatrymany aktyvisty moładzievych supołak V.Kuŭšynaŭ i A.Kisły, jakich źbiralisia sudzić za «niezakonnuju realizacyju hazety». 28 kastryčnika jany źjavilisia ŭ adździaleńnie z A.Labiedźkam, jaki pierakanaŭ milicyjantaŭ u absurdnaści abvinavačańnia.
Pad Horadniaj 31 kastryčnika zatrymali aktyvistaŭ AHP Jurja Istomina i Ŭładzimiera Čyrvonienku, jakija vieźli «Narodnuju volu».
Karespandentcy pahražajuć
Pres-słužba Homielskaha abłvykankamu 28 kastryčnika admoviłasia pradastavić infarmacyju karespandentcy BiełaPAN Alenie Paskannaj, zajaviŭšy, što jana pazbaŭlenaja akredytacyi. Na prośbu dać aficyjny dakument z admovaj pres-sakratar skazaŭ, što na niejkija mierapryjemstvy žurnalistku buduć puskać, a na niejkija — nie.
Kamientary