Što vy budziecie rabić, kali vam zabaroniać zvalniacca z pracy? — apytańnie
7 śniežnia Alaksandr Łukašenka padpisaŭ dekret № 9 «Ab dadatkovych mierach pa raźvićci drevaapracoŭčaj pramysłovaści». Zhodna z dakumientam, usie rabotniki drevaapracoŭčych pradpryjemstvaŭ buduć pieraviedzieny na kantraktnuju formu najmu. Daterminovaje skasavańnie kantraktaŭ u pieryjad realizacyi inviestycyjnych prajektaŭ pa inicyjatyvie rabotnikaŭ dapuskajecca tolki sa zhody najmalnika.
Ab namiery padpisać taki dakumient Łukašenka zajaviŭ jašče pry naviedvańni 30 listapada AAT «Barysaŭdreŭ». Hetu zajavu ŚMI nazvali ŭviadzieńniem pryhonnaha prava. Karespandenty BiełaPAN vyjšli ŭ narod, da prachadnoj Minskaha traktarnaha zavoda, z pytańniem: «Što vy budziecie rabić, kali vam zabaroniać zvalniacca z pracy?»
Niekalki čałaviek pryznalisia, što pracavali b i dalej, inšyja, naadvarot, zajavili pra baraćbu za svaje pravy — źviartalisia b u prafsajuz, da jurystaŭ i ŭ inšyja instancyi. Trecija zvolnilisia b chitraściu.
«Kali praca, ź jakoj zabaraniajuć zvalniacca, zadavalniaje, to možna i papracavać da pary da času. Chacia asadak u dušy niadobra, viadoma, zastaŭsia b.
«A ja byŭ by i rady pracavać. Mnie da piensii zastałosia niamnoha».
«Napeŭna, pajšoŭ by pratestavać. Nadzieŭ by „šyldačku“ i pajšoŭ da Doma ŭrada».
«Źmianiŭ by prezidenta».
«Emihravaŭ by ŭ inšuju krainu».
«Daviałosia b pracavać, ale potym znajšoŭ by niejkija šlach dla zvalnieńnia. Navat kali i pa artykule».
«Ja b raźvivaŭ paralelna svaju spravu. A kali b staŭ na nohi, prosta nie chadziŭ by na pracu».
Niekalki čałaviek upeŭniena adkazali, što pracavać prymusić nie moža nichto.
«Nie stała b vychodzić na pracu i ŭsio. I što jany mnie zrobiać?»
«Dla mianie heta nieprymalna. Heta prynižeńnie čałaviečaj hodnaści, sapraŭdnaje pryhonnaje prava».
«Napeŭna, kryčaŭ by «ratujcie».
Kamientary