Vysokapastaŭlenamu bankiru pradjavili abvinavačvańnie ŭ piedafilii
Śledčy kamitet pradjaviŭ abvinavačvańni ŭ hvałtoŭnych dziejańniach seksualnaha charaktaru ŭ dačynieńni da małaletnich i ŭ raspaŭsiudzie dziciačaha porna viadomamu ŭ minskich bankaŭskich kołach śpiecyjalistu.
Abvinavačany da svajho zatrymańnia zajmaŭ pasadu načalnika adździeła biznes-pracesaŭ u adnym bujnym banku, a da hetaha paśpieŭ šmat hadoŭ prapracavać u dvuch inšych bankach, jakija ŭvachodziać u piaciorku najbujniejšych finansavych ustanoŭ krainy.
U svaje 29 hadoŭ bankir padavaŭ dobryja nadziei i rabiŭ chutkuju karjeru. Jak raspaviali «Štodziońniku» pradstaŭniki banka, u jakim piedafił pracavaŭ pierad zatrymańniem, na pracy da jaho nie było nijakich pretenzij. Naadvarot, jon byŭ adnym z samych pierśpiektyŭnych menedžeraŭ i za svaje 29 hadoŭ zdoleŭ zarabić u bankaŭskaj asiarodździ dobruju reputacyju, jakaja ciapier całkam źniščana. Biełaruskija bankiry i nie chavajuć, što znachodziacca ŭ šoku ad taho, što adbyłosia. «Choć našaj viny ŭ tym, što adbyłosia, niama, ale nam usio roŭna žudasna soramna, što siarod nas byŭ taki voś čałaviek», - zajavili «Štodziońniku» u banku.
Piedafiła-bankira vyjavili paśla taho, jak vypadkovy minak zaśpieŭ jaho na miescy złačynstva.
Pavodle źviestak śledstva, supracoŭnik banka ŭ žniŭni 2012 paznajomiŭsia na vulicy ź dźviuma dziaŭčynkami. Jon pačaŭ ich sustrakać kožny dzień, častavać cukierkami i inšymi prysmakami, davaŭ im hrošy na kišennyja vydatki.
Uvajšoŭšy, takim čynam, u davier da dziaŭčatak, bankir 23 žniŭnia pryvabiŭ ich u les u rajonie Ściapianki i pačaŭ ździajśniać ź imi roznyja raspusnyja dziejańni. U pieršy raz usio prajšło dla piedafiła vielmi ŭdała.Nichto jamu nie pieraškodziŭ, a dziaŭčynki baćkam maŭčali. Tamu nieŭzabavie piedafił vyrašyŭ paŭtaryć ŭdały seksualny dośvied z małaletnimi. U paniadziełak 27 žniŭnia taksama ŭsie prajšło dla jaho vielmi dobra, tamu bankaŭski pracaŭnik nie staŭ doŭha čakać čarhovaj porcyi zadavalnieńnia, a na nastupny dzień znoŭ zavioŭ dziaŭčatak u les.
Siarod biełaha dnia 28 žniŭnia jon łaskava pryvabiŭ dziaŭčynak u les i pačaŭ ździajśniać ź im roznyja seksualnyja dziejańni. Na hety raz jon źbiraŭsia ŭsio źniać na svaju fotakamieru. Ale na biadu bankira, toje, što adbyvajecca, zaŭvažyŭ vypadkovy čałaviek, što išoŭ praź les i pasprabavaŭ zatrymać hvałtaŭnika.Piedafił kinuŭsia biehčy i zdoleŭ schavacca ad pieraśledu, ale ŭpuściŭ na miescy złačynstva svoj fotaaparat, dzie apieratyŭniki milicyi vyjavili zdymki frahmientaŭ interjeru. Pa hetych zdymkach bankaŭskaha rabotnika i vyličyli.
Zychodziačy z sabranych materyjałaŭ spravy bankiru-piedafiłu pradjaŭlenaje abvinavačvańnie ŭ ździajśnieńni złačynstvaŭ, praduhledžanych dvuma artykułach Kryminalnaha kodeksa Biełarusi: č.3 art. 167 (hvałtoŭnyja dziejańni sieksualnaha charaktaru, učynienyja ŭ dačynieńni da zaviedama małaletniaha (małaletniaj) i č.3 art.343-1 (vyrab i raspaŭsiudžvańnie parnahrafičnych materyjałaŭ abo pradmietaŭ parnahrafičnaha charaktaru z vyjavaj niepaŭnaletniaha, a taksama vykarystańnie zaviedama małaletniaha).
Pavodle źviestak śledstva, bankir-piedafił nie tolki zadavalniaŭ svoj jur z maleńkimi dziaŭčynkami, ale i zdymaŭ ich na fotakamieru z metaj dalejšaha raspaŭsiudžvańnia dziciačaj parnahrafii praź internet.
Kamientary