Daškievič i Łobaŭ: dva hady za kratami. Siońnia Daškievič pavinien byŭ vyjści na volu
Siońnia, 18 śniežnia 2012 h., spaŭniajecca dva hady z momantu aryštu aktyvistaŭ "Maładoha frontu" Źmitra Daškieviča i Eduarda Łobava, z taho času jany znachodziacca za kratami.
Lidar «Maładoha frontu» Źmicier Daškievič i aktyvist arhanizacyi Eduard Łobaŭ byli zatrymanyja ŭ Minsku viečaram 18 śniežnia 2010 hoda, za dzień da prezidenckich vybaraŭ.
Pavodle infarmacyi HUUS Minharvykankama, u dvary žyłoha doma pa vulicy Janki Bryla jany nibyta źbivali Kanstancina Savickaha i Aleha Małyšava. Zatrymańnie Daškieviča i Łobava pradstaŭniki apazicyi i pravaabaroncy rascanili jak previentyŭnuju mieru milicyi napiaredadni prezidenckich vybaraŭ 19 śniežnia 2010 hoda.
24 sakavika 2011 h. Daškievič byŭ pryhavorany da 2 hadoŭ pazbaŭleńnia voli ŭ kałonii ahulnaha režymu, Łobaŭ — da 4 hadoŭ u kałonii ŭzmocnienaha režymu.
«Mižnarodnaja amnistyja» pryznała Daškieviča i Łobava viaźniami sumleńnia.
Eduard Łobaŭ nachodzicca ŭ kałonii № 22 u Ivacevičach.
Jaho adras: 225295 Bresckaja vobł., h. Ivacevičy, «Voŭčyja nory», a/s 20, papraŭčaja kałonija № 22. Łobavu Eduardu.
Źmitru Daškieviču niekalki razoŭ mianiali miesca znachodžańnia, a sam małady čałaviek nieadnarazova padviarhaŭsia cisku ŭ kałonii. Pieršapačatkova lidar «Maładoha frontu» adbyvaŭ pakarańnie ŭ kałonii ŭ Horkach (Mahiloŭskaja vobłaść), zatym jaho pieraviali ŭ Hłybokaje (Viciebskaja vobłaść).
Siońnia Źmicier Daškievič pavinien byŭ vyjści na volu, ale 28 žniŭnia 2012 h. Hłybocki rajonny sud na zakrytym vyjaznym pasiadžeńni ŭ kałonii pryznaŭ Daškieviča vinavatym u złosnym niepadparadkavańni patrabavańniam administracyi kałonii i prysudziŭ jaho dadatkova da hoda pazbaŭleńnia voli.U termin pakarańnia ŭklučany čatyry miesiacy, jakija apazicyjanieru zastavałasia adbyć u kałonii pa pieršaj kryminalnaj spravie. Źmicier niekatory čas utrymlivaŭsia ŭ Mazyry, a zatym byŭ pieraviedzieny ŭ Hrodzienskuju turmu.
Jahony novy adras taki: 230023, Hrodna, vuł. Kirava 1. Turma № 1. Daškieviču Dźmitryju Viačasłavaviču.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary