«Bajadera» zadavolenaja biełaruskim harełkavym rynkam
U 2012 hodzie na mahutnaściach Hrodzienskaha likiora-harełačnaha zavoda «Niemanoff» było vyrablena pa licenzii 150 tys. dał, ci 3 młn butelek harełki «Chlebny dar», pravy na jakuju naležać ukrainskaj hrupie «Bajadera».
U intervju «Kamiersantu» novy kiraŭnik ukrainskaj kampanii Natalla Bondarava adznačyła, što zadavolenaja, jak raźvivajecca biznes u Biełarusi.
«Chaciełasia b adznačyć stanoŭčyja vyniki supracoŭnictva ŭ Biełarusi, dzie naładžanaja licenzijnaja vytvorčaść harełki „Chlebny dar“», — zajaviła novaja haspadynia «Bajadery».
Pa licenzii hrodziency vyrablajuć jašče dva harełačnyja brendy «Miedoff» i «M'rnaja». Pravy na ich paśla bankructva «Sajuz-Viktany» naležać anhielskamu biznesoŭcu Niłu Śmitu.
U minułym hodzie adnaviŭ raźliŭ licenzijnaj harełki Nemiroff «Minsk-Kryštal». Ukraincy płanujuć vypuskać u Biełarusi ŭ hod nie mienš jak 700 tys. dał harełak i zaniać 7–8% biełaruskaha rynku mocnaha ałkaholu. U svaju čarhu jany prapanavali dystrybucyju častki minskaha Nemiroff i ŭłasnaj pradukcyi «Minsk-Kryštala» praz svaje ekspartnyja kanały.
Kamientary