Pa spravie ŭ Mazyrskim sudzie prachodzić 20 paciarpiełych.
5 lutaha sud Mazyrskaha rajona vynies abvinavaŭčyja prysudy ŭ dačynieńni da namieśnika dyrektara i dvuch achoŭnikaŭ adnaho z hulniavych kłubaŭ Mazyra.
Jak paviedamili BiełaPAN u sudzie, hetyja asoby za chulihanstva (art. 339 KK) prysudžanyja da pazbaŭleńnia voli na termin ad troch da šaści hadoŭ. U adnaho ź ich taksama byli znojdzienyja patrony, tamu jon abvinavačany i ŭ zachoŭvańni bojeprypasaŭ (art. 295 KK). U adnaho z klijentaŭ kłuba pry źbićci źnik załaty łancužok, tamu adnamu z achoŭnikaŭ vystaŭlena abvinavačvańnie ŭ rabavańni (art. 206 KK).
Pa spravie prachodzili 20 paciarpiełych i 70 śviedak. Da čatyroch śviedak pa ich prośbie byli pryniatyja miery biaśpieki.
Achoŭniki źbivali klijentaŭ kłuba, što kvalifikavana jak chulihanskija dziejańni. U sudzie padkreślili, što źbivali achoŭniki klijentaŭ dla zastrašvańnia, a nie z metaj rabavańnia.
Jašče dvoje žycharoŭ Mazyra za vymahalnictva, rabavańni i kradziažy prysudžanyja kožny da siami hadoŭ pazbaŭleńnia voli. Vymahalnictvam i źviazanymi ź im kradziažami jany zajmalisia ŭ 2004 i 2010 hadach.Kali adzin z paciarpiełych nie addaŭ abvinavačanym niejki doŭh, jany zabrali ŭ jaho aŭtamabil i pradali.
Pa słovach śviedak, vymahalniki byli źviazany z achoŭnikami kłuba, byli ich «dacham». Takaja infarmacyja nie naša paćvierdžańnia ŭ sudzie, tamu kazać ab arhanizavanaj złačynnaj hrupie i suviazi pamiž vymahalnikami i achoŭnikami niama padstaŭ.
Prysud pakul nie ŭstupiŭ u zakonnuju siłu i moža być abskardžany ŭ sudzie vyšejšaj instancyi.
Varta adznačyć, što niadaŭna ŭ Mazyry źbili achoŭnika hulniavoha kłuba, naniosšy jamu ciažkija cialesnyja paškodžańni.
Kamientary