Milicyja nakryła bujnych samahonščykaŭ u vioscy Jachimoŭščyna, što ŭ Maładziečanskim rajonie. U Jachimoŭščynie ad 1883 hoda byŭ brovar, na jakim u1906—1907 hh. pamočnikam vinakura pracavaŭ Ivan Łucevič (Janka Kupała).
Brovar (potym zavod pa vytvorčaści śpirtu) užo try hady jak niadziejsny, ale tradycyi zastalisia, zaznačyli ŭ milicyi.
«Litaralna za niekalki sotniaŭ mietraŭ ad zavoda ŭ chlavach na ŭłasnych ziamielnych učastkach aficyjna biespracoŭnyja maładyja ludzi pastavili vyrab samahonki na patok.Praktyčna ŭvieś technałahičny praces vyrabu surahatu naščadki tradycyj aŭtamatyzavali, a abjomam vyrablenaha śpirtnoha prodki mahli tolki pazajzdrościć», — paviedamili ŭ milicyi.
U kožnaha samahonščyka vychad za adnu «honku» składaŭ bolš za 100 ł. Usiaho supracoŭniki UUS i Maładziečanskaha RAUS vyjavili i kanfiskavali bolš za 2 tys. ł surahatu. «Adchody samahonavareńnia vykarystoŭvalisia dla adkormu nie adnaho dziasiatka śviniej, jakim paśla źniščeńnia samahonnych aparataŭ pryjdziecca zdavolvacca tradycyjnymi karmami», — dadali ŭ UUS.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?3
Kamientary