Pra heta paviedamiŭ dyrektar Instytuta hienietyki i cytałohii Nacyjanalnaj akademii navuk Biełarusi Alaksandr Kilčeŭski 8 lutaha na pasiadžeńni kruhłaha stała ŭ Minsku.
Pavodle jaho słoŭ, stvareńnie banka DNK budzie sadziejničać zachavańniu bijaraznastajnaści, a taksama pašyryć mahčymaści dla mižnarodnaha supracoŭnictva biełaruskich vučonych, atrymańnia kamiercyjnaj vyhady dla krainy. Tak, padličana, što zachoŭvańnie adnaho ŭzoru DNK i šmatrazovaje jaho vykarystańnie daje ekanomiju kala 130 dołaraŭ. Na siońnia ŭ Instytucie hienietyki i cytałohii ŭžo zachoŭvajucca 7 tys. 912 uzoraŭ DNK, u tym liku takija zapatrabavanyja inšymi krainami, jak uzory DNK biełaruskich zubroŭ.
Jak skazaŭ Kilčeŭski, dla stvareńnia nacyjanalnaha banka DNK nieabchodnaje asobnaje pamiaškańnie i śpiecyjalnaje abstalavańnie. Tak, uzory DNK pavinny zachoŭvacca ŭ śpiecyjalnym marazilniku pry tempieratury minus 180 hradusaŭ.
Jak zaznačyŭ śpiecyjalist, instytut užo pačaŭ realizacyju prajekta pa stvareńni nacyjanalnaha banka DNK. Jon pavinien być stvorany ŭ najbližejšyja hady.
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ8
Kamientary