Ułada1616

Biełaruski suchpajok: tušonka, halety, śpiecnazu — šakaład

Čym charčujucca našy vajskoŭcy na vučeńniach i palavych vychadach. Čym naš suchpajok adroźnivajecca ad zamiežnych uzoraŭ.

«Suchpajok: jaki i dzie nabyć?» — na hetaje pytańnie internet daje mnostva adkazaŭ, ale siarod ich niama ni słova pra suchpajok biełaruskaj armii. U Rasii vytvorčaść indyvidualnych charčovych racyjonaŭ pastaŭlenaja na patok, u nas farmavańniem suchoha pajka zajmajecca adna charčovaja baza. Pasprabujem razabracca, čym jašče adroźnivajecca naš suchpaj ad inšych.

Farmiravańniem suchpajkoŭ dla biełaruskaha vojska zajmajecca 1068 ja charčovaja baza, što mieścicca ŭ Haradziščy (Minski rajon).

Čas składańnia blašanak z tušonkami i haletaŭ u vajskovy zaplečniki daŭno minuŭ. Jak i ŭ mnohich inšych armijach śvietu, u biełaruskim vojsku suchi pajok zachoŭvajecca ŭ kardonnym korabie.

Usie pradukty prachodziać sanitarna-vieterynarnuju ekśpiertyzu. U Biełarusi admysłova dla vojska kansiervy nie vypuskajucca. Našy vajskoŭcy jaduć tušonki ajčynnych vytvorcaŭ, jakija možna nabyć u luboj kramie.

Standartny nabor składajecca ź blašanki tušonki, dźviuch blašanak miasaraślinnych kansiervaŭ, dvuch pakunkaŭ z presnymi haletami, čatyroch pakiecikaŭ čaju, vaśmi pakiecikaŭ cukru, naboru hihijeničnych survetak.

Suchpajok dla śpiecnazaŭcaŭ adroźnivajecca ad astatnich najaŭnaściu šakaładu (15 hram na sutki). Taksama ŭ śpiecnazaŭski pakiet kładuć niekalki karamielnych cukierak.

Suchpajki mohuć być mienšaha pamieru — jany raźličanyja na adzin pryjom ježy.

Jak raskazaŭ «NN» Stanisłaŭ Ramanovič, jaki niadaŭna słužyŭ u barysaŭskich Piačach, jamu rehularna davodziłasia mieć spravu z suchpajkom. «Da nas pryjazdžali sałdaty z usioj Biełarusi. Kamplektacyja suchpajka časam adroźnivałasia. U niekatorych čaściach nabor składaŭsia ź dźviuch blašanak tušonki i adnoj miasaraślinnaj kansiervy. U kahości była adna tušonka i dźvie kansiervy». Nijakich prystasavańniaŭ dla razahrevu kansiervaŭ, a taksama žavalnych humak i srodkaŭ hihijeny Stanisłaŭ u tych naborach nie sustrakaŭ.

Žavalnaja humka sa słabicielnym

Niahledziačy na novuju abhortku, biełaruski suchpajok — adzin z prykładaŭ naśledavańnia savieckich tradycyj. Jak i ŭ tyja časy, sałdaty charčujucca kansiervami — tušonkami, rysavaj i hreckaj kašami ź miasam.

U jeŭrapiejskich armijach, a taksama ŭ ZŠA charčovyja nabory, jak praviła, składajucca z hatavanych stravaŭ, jakija treba tolki razahreć.

Amierykanski suchpaj (Meal Ready-To-Eat — «Ježa, hatovaja da ŭžyvańnia») praduhledžvaje nabor z asnoŭnaj stravy i dadatkovych kampanientaŭ. MRE zdolny zadavolić usie husty, jon składajecca z bolš čym dvuch dziasiatkaŭ varyjantaŭ stravaŭ — ad ravijolaŭ ź jałavičynaj da śvinych rebraŭ z bulbianym supam i syram čedar. Kožny taki nabor utrymlivaje admysłovuju jomistaść dla nahrevu ježy biez ahniu. Nie sakret, što suchpajok upłyvaje na stravavańnie sałdata, tamu ŭ amierykanskich naborach zaŭsiody jość žavalnaja humka sa słabicielnym efiektam.

U 2012 hodzie ŭ suchpajkach, što pastaŭlajucca dla patrebaŭ rasijskaj armii, taksama źjaviłasia žavalnaja humka, a jašče sała i sušanaja ryba.

Paŭsiadzionny suchpajok biełaruskich vajskoŭcaŭ vidavočna značna ściplejšy za racyjony rasijskich i amierykanskich vajennych. I heta tłumačycca nie tolki pamieram vajskovaha biudžetu Biełarusi, ale i tym, što našym vajskoŭcam nie davodzicca ŭdzielničać u bajavych dziejańniach.

Suchi pajok — indyvidualny racyjon charčavańnia, jaki musić zabiaśpiečyć sałdata nieabchodnymi kałoryjami i vitaminami minimum na sutki. Vykarystoŭvajecca ŭ časie palavych vychadaŭ i vučeńniaŭ. Składajecca z charčovych praduktaŭ ź vialikim terminam zachoŭvańnia.

Kamientary16

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Ajcišnica pryjechała z Polščy ŭ Biełaruś i žachnułasia cenam u «Mile»14

Ajcišnica pryjechała z Polščy ŭ Biełaruś i žachnułasia cenam u «Mile»

Usie naviny →
Usie naviny

Kancert hurta Metallica vyklikaŭ nievialiki ziemlatrus1

Biełaruskuju banknotu ŭ honar 80-hodździa Pieramohi ŭžo za vialikija hrošy pierapradajuć na eBay1

U Kramli paabiacali «padumać» nad prapanovaj ab 30-dzionnym pieramirji

Stała viadoma, jak pakarajuć mahiloŭskich dziaciej, jakija niepavažliva pastavilisia da dziaržaŭnaha salutu17

Styŭ Uitkaf padčas sustreč z Pucinym karystaŭsia pasłuhami štatnych pierakładčykaŭ z Kramla7

«Sałodkaja hlina za 9 rubloŭ». Biełarusy spračajucca z-za cany na šakaładku «Alonka»6

U Tadžykistanie zatrymali varažbitku, jakaja prymušała klijentaŭ zajmacca ź joj seksam5

Zbornaja Biełarusi vyjšła ŭ finał čempijanatu śvietu pa plažnym futbole6

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj44

bolš čytanych navin
bolš łajkanych navin

Ajcišnica pryjechała z Polščy ŭ Biełaruś i žachnułasia cenam u «Mile»14

Ajcišnica pryjechała z Polščy ŭ Biełaruś i žachnułasia cenam u «Mile»

Hałoŭnaje
Usie naviny →

Zaŭvaha:

 

 

 

 

Zakryć Paviedamić