Pradprymalnik z Vaŭkavyska, vieteran afhanskaj vajny Mikałaj Aŭtuchovič, asudžany ŭ mai 2010 hoda na piać hadoŭ źniavoleńnia va ŭmovach strohaha režymu za zachoŭvańnie piaci patronaŭ da palaŭničaj strelby, nie maje namieru prasić Alaksandra Łukašenku ab pamiłavańni. Pra heta jon paviedamiŭ u liście hramadskamu aktyvistu Leanidu Haravomu.
Pavodle słoŭ Haravoha, u adnym ź listoŭ jon napisaŭ Aŭtuchoviču, što zaraz kiraŭnik dziaržavy čakaje ad palitźniavolenych chacia b troch słoŭ: «Prašu mianie vyzvalić». Mikałaj Aŭtuchovič adkazaŭ, što navat hetych troch słoŭ ad jaho nie dačakajucca.
Biez kampramisaŭ, biez usiakich umoŭ. Ja ničoha nie rabiŭ drennaha dla Radzimy i naroda, nie parušaŭ anijakich zakonaŭ, čamu ja pavinien źviartacca z prašeńniem? Heta budzie niapravilna, jak pa mnie», — cytuje list Aŭtuchoviča pravaabarončy sajt www.spring96.org.«Maju svaje pohlady. I ŭsio žyćcio ja nikoli ich nie mianiaju. Navat kali budu viedać, što jašče dadatkova daduć novy termin, pisać navat i try słovy nie budu! Kali być niazłomlenym, treba iści da kanca.
U svaju čarhu brescki vieteran afhanskaj vajny Alaksandr Sacharuk paviedamiŭ pravaabaroncam, što Aŭtuchovič dasłaŭ jamu list, u jakim pavinšavaŭ usich svaich «byłych bratoŭ pa zbroi» z čarhovaj hadavinaj vyvadu savieckich vojskaŭ z Afhanistana (15 lutaha). Jon pažadaŭ im «zastavacca ŭ hetym žyćci nie tolki ludźmi, ale i hramadzianami, kab biez sumnieńniaŭ možna było paciskać adzin adnamu ruki».
Mikałaj Aŭtuchovič, jakomu 7 studzienia hetaha hoda spoŭniłasia 50 hadoŭ, utrymlivajecca ŭ hrodzienskaj turmie № 1. Pravaabaroncy pryznali jaho palitźniavolenym, asudžanym za aktyŭnuju hramadskuju dziejnaść i baraćbu z karupcyjaj. Aŭtuchoviču nieadnarazova rekamiendavali źviarnucca pa pamiłavańnie da Łukašenki. Usiaki raz paśla jaho admoŭ nacisk na źniavolenaha z boku turemnaj administracyi ŭzmacniaŭsia.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary