Upraŭleńnie pa rasśledavańni ciažkich ekanamičnych złačynstvaŭ (URCEZ) UUS Minabłvykankama pieradało va ŭpraŭleńnie Śledčaha kamiteta pa Minskaj vobłaści materyjały ab supraćpraŭnaj dziejnaści byłoha staršyni Žodzinskaha haradskoha vykanaŭčaha kamiteta.
U 2009 hodzie, zajmajučy pasadu staršyni Žodzinskaha harvykankama, padazravany padpisaŭ rašeńnie ab pradastaŭleńni sabie ziamielnaha ŭčastka i pieradačy jaho ŭ pryvatnuju ŭłasnaść dla budaŭnictva i absłuhoŭvańnia žyłoha doma ŭ žodzinskim mikrarajonie Łysaja Hara pa kadastravym košcie 4.976.920 rubloŭ.Praz hod, užo nie pracujučy na pasadzie staršyni harvykankama, jon pradaŭ nazvany ŭčastak za 30.700.000 rubloŭ.
«Hety hramadzianin, skarystaŭšysia słužbovym stanoviščam, z karyślivaj zacikaŭlenaści, u parušeńnie pravoŭ hramadzian, jakija stajać na ŭliku i majuć patrebu ŭ palapšeńni žyllovych umoŭ, nie vykonvajučy paradak čarhovaści vydzialeńnia ziamielnych učastkaŭ u horadzie Žodzina, niezakonna vydzieliŭ ziamielny ŭčastak u asabistaje karystańnie», — paviedamiŭ BiełaPAN namieśnik načalnika URCEZ UUS Minabłvykankama Alaksandr Jurčanka.
Jak vyśvietlena apieratyŭnikami,eks-čynoŭniku było viadoma, što ŭ adpaviednaści ź pierśpiektyŭnym płanam zabudovy ziamielny ŭčastak pryznačaŭsia pad budaŭnictva abjekta sacyjalnaha pryznačeńnia.
U dačynieńni da byłoha staršyni Žodzinskaha harvykankama Hienprakuraturaj raspačata sprava pa prykmietach złačynstva, praduhledžanaha č. 3 art. 424 KK Respubliki Biełaruś, — złoŭžyvańnie ŭładaj abo słužbovymi paŭnamoctvami, ździejśnienaje słužbovaj asobaj, jakaja zajmaje adkaznaje stanovišča.
Maksimalnaje pakarańnie za nazvany skład złačynstva — dziesiać hadoŭ pazbaŭleńnia voli z kanfiskacyjaj majomaści abo biez kanfiskacyi i z pazbaŭleńniem prava zajmać peŭnyja pasady abo zajmacca peŭnaj dziejnaściu.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary