Rasijski apazicyjny palityk Barys Niamcoŭ dałučyŭsia da kampanii «Svaboda ch 2» — akcyi salidarnaści z dvuma biełaruskimi palitviaźniami, kandydatam u prezidenty na vybarach 2010 hoda Mikałajem Statkievičam i Źmitrom Daškievičam, inicyjavanaj polskim deputatam Jeŭraparłamienta Marakam Mihalskim.
U svajoj zajavie ŭ padtrymku kampanii Niamcoŭ padkreślivaje, što Statkievič i Daškievič «asudžanyja pa nadumanych abvinavačvańniach, utrymoŭvajucca ŭ vielmi ciažkich umovach, ich źmiaščajuć u karcar, akazvajuć psichałahičny nacisk i sprabujuć złamać».
Niamcoŭ pierakanany, što Łukašenka «imkniecca źniščyć svaich apanientaŭ».«Tamu vielmi važnaj źjaŭlajecca kampanija „Svaboda ch 2“, arhanizavanaja deputatam Jeŭraparłamienta Marakam Mihalskim u padtrymku hetych mužnych ludziej. Ja hatovy ŭvajści ŭ kamitet padtrymki Mikałaja Statkieviča i Dźmitryja Daškieviča i dałučajusia da patrabavańniaŭ nieadkładna vyzvalić usich biełaruskich palitźniavolenych», — zajaŭlaje Niamcoŭ.
Nahadajem, u miežach kampanii stvorany sajt 2free.eu, na jakim možna znajści infarmacyju pra stanovišča Dźmitryja Daškieviča i Mikałaja Statkieviča, pra dziejańni, jakija robić deputat, a taksama pra akcyi, arhanizavanyja jaho ofisam. Na sajcie raźmieščana pietycyja da kiraŭnikoŭ dziaržaŭ — členaŭ ES, kab jany «niastomna nahadvali pra tych biełaruskich viaźniaŭ sumleńnia, jakich pieraśledujuć, pryhniatajuć i ź jakimi žorstka abychodziacca ŭ kałonijach».
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ1
Kamientary