U noč z 29 na 30 krasavika byŭ zatrymany treci saŭdzielnik nalotu na bank u Lubani.
"30 krasavika ŭ 0.15 na darozie Orlevo — Saračy pablizu vioski Saračy supracoŭnikami kryminalnaha vyšuku i AMAP UUS Minabłvykankama, a taksama kryminalnaha vyšuku Lubanskaha RAUS zatrymany saŭdzielnik razbojnaha napadu na adździaleńnie AAT «Biełahraprambank» u Lubani», - skazali ŭ milicyi. Jak udakładnili va UUS, heta žychar Lubani 1983 hoda naradžeńnia. Častka vykradzienych hrašovych srodkaŭ kanfiskavana, paviedamlaje BiełTA.
***
Miarkujecca, što suma skradzienaha nie mienšaja za miljard rubloŭ, 40 tysiač dalaraŭ i 20 tysiač jeŭra. Źnikli i srebnyja źlitki. U toj dzień bank pracavaŭ tolki ź jurydyčnymi asobami — pradprymalniki zdavali vyručku.Napad na adździaleńnie «Biełahraprambanka» ŭ Lubani adbyŭsia 20 krasavika.
Złačyncy zajšli ŭ haraž banka zadoŭha da pačatku pracoŭnaha dnia i zatailisia tam u inkasatarskaj mašynie. A ŭviečary nadzieli maski, uvarvalisia ŭ bank, abiasškodzili supracoŭnika achovy -- źbili i zabrali pistalet, źviazali kasira. Z narabavanym jany źjechali ŭ toj samaj inkasatarskaj mašynie, u jakoj chavalisia ceły dzień. U lesie, za dvaccać kiłamietraŭ ad horada, ich čakała inšaje aŭto. Pierš, čym pierasieści ŭ jaho, jany spalili inkasatarskuju mašynu.
Dvuch padazravanych zatrymali praz čatyry dni — heta byli miascovyja žychary 1990-ha i 1991-ha hadoŭ naradžeńnia.Adzin z zatrymanych — 23-hadovy siaržant Departamienta achovy MUS. Jon i ličycca arhanizataram. Chłopiec raniej pracavaŭ u hetym samym adździaleńni banka, viedaŭ tonkaści pracy sistemy achovy dy kamier nazirańnia. A pierad nalotam zdoleŭ vyrabić dublikaty klučoŭ.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary