Ščaślivaja historyja pra kata sa źniešnaściu vampira — foty i videa
Kinutaje ludźmi kaciania Łazarus ź ikłami, jakija nahadvajuć zuby vampira, šeść miesiacaŭ nie mahło znajści sabie dom. Žyviolinu prytuliła piedahoh z ZŠA, piša pixanews.com.
Pa słovach Sindzi Čambiers (Cindy Chambers), vykładčycy ź dziaržaŭnaha univiersiteta Istern Tenesi, jana išła pa adnoj z vulic Džonsan-sici, štat Tenesi, i jaje ŭvahu pryciahnuła cichaje miaŭkańnie. Padyšoŭšy bližej, jana ŭbačyła paranienaha šeraha kata ź niezvyčajnaj pyskaj.
«Mnie było vielmi škada Łazarusa: jon byŭ hałodny i zusim zamiorz, — uspaminaje žančyna. «Kali ja ŭpieršyniu jaho ŭbačyła, mnie adrazu ž zachaciełasia ŭziać kaciania na ruki i nikoli bolš nie adpuskać».
Pa słovach Čambiers, jana nieadnarazova dapamahała žyviołam znajści novy dom, ale kinuty na volu losu Łazarus nastolki zachapiŭ jaje, što jana vyrašyła pakinuć jaho ŭ siabie.
«Ja adrazu ž zrazumieła, što Łazarus — niezvyčajny kot i jamu patrabujecca asablivy dohlad. Nichto, akramia mianie, nie zmoh by jamu dapamahčy, — padzialiłasia vykładčyca. — Pierš za ŭsio ja pakazała jaho znajomamu vieterynaru. 10-miesiačnaje kaciania vyžyła i dobra siabie adčuvaje.
Jak akazałasia, padabienstva kata ź piersanažam lehiendarnaha ramana Brema Stokiera było vyklikana raspaŭsiudžanaj chvarobaj, viadomaj jak vaŭčynaja pašča (razryŭ, raskolina ŭ siaredniaj častcy nioba, jakaja ŭźnikaje z pryčyny niezaroščvańnia dvuch pałovaŭ nioba ŭ pieryjad embryjanalnaha raźvićcia).
Kłapatlivaja Čambiers pryznałasia, što kožny dzień dziesiatki ludziej pišuć jaje katu pasłańni ŭ sacyjalnaj sietcy Facebook i pieradajuć listy sa słovami zachapleńnia. Na dumku žančyny, historyja Łazarusa pavučalnaja.
«Kim by my ni byli, usie my roznyja, i kožny z nas unikalny», — ličyć Sindzi.
Kamientary