«Prosta vyzvalicie ich!» — śpiecvypusk «NN», pryśviečany palitviaźniam

U numary:

— Palitviaźni: fakty i ličby.

Usiaho hazieta naličyła 182 asoby, jakija za 1995–2013 hady trapili pad kryminalny pieraśled za palityku. Ź ich 63 — u 2009–2013 hadach. Kala 6000 čałaviek — takaja ličba administratyŭna pakaranych i zvolnienych z pracy, vučoby pa palityčna matyvavanych spravach za 1995–2013 hady.

Dla hetaha śpiecyjalnaha numara «Našaj Nivy» my praanalizavali bijahrafičnyja źviestki pra asoby, jakija prajšli praz turmy. Uzrost, etničnaje pachodžańnie palitviaźniaŭ, ich prafiesii, sacyjalny status... Statystyka abviarhaje mnohija stereatypy, časam jana ašałamlaje.

Ideju vokładki dla numara prydumaŭ fatohraf Siarhiej Hudzilin. Było ŭžo 21.00, a pryhožaj hrafičnaj idei nie było. Hudzilin užo viartaŭsia dachaty ŭ Žodzina maršrutkaj. «U mikraaŭtobusie na 19 miescaŭ jechała 37 čałaviek», — kaža jon. Tamu, kali redaktary vyrašyli pravieści apošni mazhavy šturm, Hudzilin sačyŭ za skajp-kanfierencyjaj stojačy, praz telefon. Heta jamu pryjšła ideja pastavić na pieršuju pałasu nie karcinku, jakoj nie znachodziłasia, a słohan. «Kali vychodzić na vulicu z płakatom — złačynstva, a ŭ krainie jość palitviaźni, my vymušanyja drukavać łozunhi», — abhruntavaŭ jon. Voś tak maksimalna prosta: «Prosta vyzvalicie ich!».

Druhi varyjant byŭ: «Viarnicie mužykoŭ damoŭ!» Ale ŭsie ŭpadabali pieršuju viersiju.

Ideja pryjšła a 21.15. A ŭžo a 23.30 hazieta pajechała ŭ drukarniu.

Akramia taho, u numary:

— Kamu kolecca Alhierdava dzida? Što dumaje Viciebski harvykankam pra inicyjatyvu «rasijskaj hramadskaści»?

— Top-7 samych darahich karcin u minskich halerejach. Ceny dachodziać da 49 miljonaŭ rubloŭ.

— Jakaja budaŭničaja krama sama vyhadnaja? Paraŭnańnie cenaŭ.

— Biełaruski biskup Sibiry. Kiryła Klimovič užo dziesiać hadoŭ kiruje najbolšaj u śviecie jeparchijaj.

— «Kali nas vysielać, admovimsia ad biełaruskaha hramadzianstva». Žyllovy kanflikt u Hrodna.

— Plus-minus Biełaruś. Kamierton Siarhieja Vahanava.

— «Sania,pracuj! Pracuj lepš! Repartaž z čempijanatu Biełarusi pa bodzibiłdynhu.

— Kolki klijentaŭ adhuknulisia na biełaruskamoŭnuju rekłamu «Słavii»?

— Pačynajecca čempijanat śvietu pa chakiei. Raskład hulniaŭ zbornaj Biełarusi.

— Kudy padzielisia sapraŭdnyja mužčyny? Mierkavańnie seksołaha.

Novy numar možna nabyć ŭ Minsku pa abiedzie, a ŭ rehijonach — z ranicy piatnicy. Nahadajem: na «Našu Nivu» ciapier možna lohka i vyhadna padpisacca. Pryčym apłacić padpisku možna i praź internet. Pra ŭmovy padpiski čytajcie tut.

…A pračytaŭšy hazietu, ukińcie ŭ skrynku susiedu.

• 0
• 0
• 0
• 0
• 0
• 0
• 0
• 0