Jaki budaŭničy hipiermarkiet samy vyhadny? Paraŭnańnie cenaŭ

Nieŭzabavie leta, a značycca, biełarusy znoŭ robiać ramonty ŭ kvaterach i na leciščach. Zrešty, hety praces časam stanovicca biaskoncym — miažy daskanałaści niama. Adnak pytańnie, dzie kuplać budmateryjały, paŭstanie niezaležna ad stadyi ramontu. «Naša Niva» vyrašyła paraŭnać ceny ŭ asnoŭnych budaŭničych kropkach.

Jašče ad 1990-ch minčuki viedajuć adrasy asnoŭnych budaŭničych rynkaŭ — Ždanovičy, Uručča i Malinaŭka. Na kožnym — sotni šapikaŭ indyvidualnych pradprymalnikaŭ. Mnohija majuć svaje kropki na ŭsich troch rynkach.

Adnak paśpiachovuju kankurencyju rynkam ciapier składajuć budaŭničyja kramy. Pieršyja hipiermarkiety takoha profilu źjavilisia ŭ Biełarusi tolki ŭ 2010. Spačatku vialikuju kramu na vyjeździe sa stalicy ŭ hrodzienskim nakirunku adčyniła AAT «Ernis». Kampanija vałodaje siamiu kramami «Pałas», jakija znachodziacca va ŭsich abłasnych centrach, aproč Hrodna.

Uśled źjaviŭsia «Oma», hipiermarkiet na vyjeździe ź Minska ŭ bok Bresta. Sietkaj vałodaje tandem ź litoŭskaj kampanii Senukai i finskaha kancerna KESKO. Im naležać dźvie kramy ŭ Minsku, a taksama pa adnoj u Viciebsku, Homieli, Mahilovie, Babrujsku, Baranavičach, Žłobinie i Lidzie.

Siarod inšych aktyŭnych udzielnikaŭ rynku varta zhadać sietku «Navasiołkin» , u jakuju ŭvachodziać staličny hipiermarkiet (vyjezd u bok Viciebska), a taksama drabniejšyja kramy ŭ Minsku i Homieli. Sietka «Zrabi sam» maje ŭ stalicy try kropki prodažaŭ.

Nie pakiniem pa-za ŭvahaj i prajekt Julii Skaryninaj, jakaja vałodaje budaŭničymi kramami «Praktyk» u Homieli, Babrujsku, Barysavie i Połacku. A ŭ stalicy znachodzicca jaje «Skład na MKAD».

U spažyviecki košyk my ŭziali dziasiatak tavaraŭ (hł. tablicu), jakija spatrebiacca dla ramontu. Heta papularnyja materyjały, jakija sustrakajucca ŭ bolšaści kramaŭ.

Za samuju nizkuju canu krama atrymlivała pieršaje miesca i 1 bał. Za samy darahi tavar albo za jaho adsutnaść krama mahła atrymać 5 bałaŭ. Adpaviedna, čym mienš bałaŭ, tym vyhadniej kuplać u kramie.

U vyniku ŭ našym rejtynhu pieršaje miesca atrymała «Oma». U dadatak kampanija prapanuje navasiołam (tym, chto niadaŭna pabudavaŭ ci nabyŭ kvateru) źnižku pamieram 7% na hod. Heta robić canu jašče bolš pryvabnaj. «Navasiołkin» i «Zrabi sam» adstali ad lidara nienašmat. Adnak nie varta zabyvacca, što asartymient u kramach «Zrabi sam» mienšy — sietka nie maje hipiermarkietaŭ. A voś «Skład na MKAD» i «Maciaryk» u kancy rejtynhu. Siarod pieravahaŭ apošniaha zastajecca ŭzhadać najbolšuju ŭ krainie handlovuju płošču.

• 0
• 0
• 0
• 0
• 0
• 0
• 0
• 0