Alaksandr Łukašenka 20 maja razhledzieŭ kadravyja pytańni.
Jak paviedamlaje pres-słužba prezidenta, hienierał-major Alaksandr Anisimaŭ vyzvaleny ad pasady stats-sakratara — pamočnika ministra abarony Respubliki Biełaruś pa pytańniach vajennaj palityki i zaličany ŭ rasparadžeńnie ministra abarony. Na pasadu stats-sakratara — pamočnika ministra abarony pa pytańniach vajennaj palityki pryznačany pałkoŭnik Aleh Voinaŭ.
Pałkoŭnik milicyi Anatol Kurylec vyzvaleny ad pasady namieśnika ministra ŭnutranych spraŭ — načalnika hałoŭnaha ŭpraŭleńnia kadraŭ (stats-sakratara).
Kiraŭnik dziaržavy vyzvaliŭ taksama pałkoŭnika finansavaj milicyi Ryhora Viaremku ad pasady namieśnika staršyni Kamiteta dziaržaŭnaha kantrolu Biełarusi — dyrektara departamienta finansavych rasśledavańniaŭ, zvolniŭšy jaho sa słužby ŭ orhanach finansavych rasśledavańniaŭ u zapas pa ŭzroście z pravam našeńnia ŭstanoŭlenaj formy adzieńnia i znakaŭ adroźnieńnia.
Pałkoŭnik milicyi Alaksandr Kobrusieŭ pryznačany namieśnikam ministra ŭnutranych spraŭ pa ideałahičnaj pracy i kadravym zabieśpiačeńni.
Nadzvyčajny i paŭnamocny pasoł Respubliki Biełaruś u Francuzskaj Respublicy, pastajanny pradstaŭnik pry JUNIESKA pa sumiaščalnictvie Pavieł Łatuška pryznačany pasłom u Karaleŭstvie Ispanija i Partuhalskaj Respublicy pa sumiaščalnictvie.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ145
Kamientary