Biełaruś prajaŭlaje cikavaść da novaj kredytnaj prahramy z Antykryzisnym fondam JeŭrAzES (AKF), paviedamiŭ načalnik adździełasacyjalna-ekanamičnaj palityki fondu Ališer Mirzojeŭ.
«Ź biełaruskaha boku cikavaść da novaj kredytnaj prahramy prysutničaje. Adnak dla abmierkavańnia novaj kredytnaj prahramy vialikaje značeńnie buduć mieć vyniki biahučaj stabilizacyjnaj prahramy», — adznačyŭ Ališer Mirzojeŭ.
Na jaho dumku, vielmi važna dasiahnuć ustojlivaj stabilizacyi ŭ biełaruskaj ekanomicy.«Kali my pryjdziem da vysnovy, što stabilizacyja ŭ biełaruskaj ekanomicy nabyła ŭstojlivy charaktar, možna budzie stavić inšyja zadačy ŭ ramkach novaj prahramy», — paviedamiŭ Mirzojeŭ.
Pryjarytetam novaj prahramy pavinny stać strukturnyja reformy, miarkuje pradstaŭnik fondu.
«Takija reformy, uličvajučy ŭsie realii biełaruskaj ekanomiki, daduć efiekt tolki va ŭmovach makraekanamičnaj stabilnaści.Tamu my i nadajem takoje vialikaje značeńnie vynikam ciapierašniaj stabilizacyjnaj prahramy Biełarusi», — padkreśliŭ Mirzojeŭ.
***
Nahadajem, što pačatak dziejnaj kredytnaj prahramy Biełarusi z Antykryzisnym fondam JeŭrAzES byŭ pakładzieny dva hady tamu. 4 červienia 2011 hoda Saviet AKF uchvaliŭ vydzialeńnie Biełarusi finansavaha kredytu ŭ ab`iomie 3 młrd. dołaraŭ ZŠA. Kredyt vydzialajecca šaściu tranšami na praciahu 2011–2013 hadoŭ u adpaviednaści z vykanańniem etapaŭ kredytnaj prahramy biełaruskim uradam.
U acency fondu ab vykanańni ŭmoŭ piataha tranšu paviedamlałasia, što Biełaruś nie vykanała niekalki indykatyŭnych pakazčykaŭ. U pryvatnaści, Biełaruśsiu nie byli vykananyja indykatyŭnyja pakazčyki pa vieličyni pastupleńnia ad pryvatyzacyi, pa ŭzroŭni kampiensavańnia nasielnictvam koštu pasłuh ŽKH i hramadskaha transpartu. Akramia hetaha, metavy ŭzrovień pa roście patrabavańniaŭ bankaŭ, a inšych siektaraŭ ekanomiki (indykatyŭny pakazčyk) pa vynikach 2012 hoda ŭdvaja pieravysiŭ zapłanavany ŭzrovień.Piaty tranš kredytu Antykryzisnaha fondu JeŭrAzES Biełaruś atrymała 30 krasavika hetaha hoda.
«Saviet Antykryzisnaha fondu JeŭrAzES pryniaŭ rašeńnie ab vydzialeńni Biełarusi (piataha) tranšu na padstavie taho faktu, što pazyčalnikam byli vykananyja ŭsie kantrolnyja pakazčyki. Pry hetym treba pryznać, što nievykanańnie indykatyŭnych pakazčykaŭ prahramy istotna asłabiła efiekt vykananych pakazčykaŭ na praces stabilizacyi», — padkreśliŭ Ališer Mirzojeŭ.
Kamientary