MZS Biełarusi ab praciahnieńni sankcyj ZŠA — jašče adna stračanaja mahčymaść
Sankcyi z boku ZŠA z dačynieńni da Biełarusi bieśpierśpiektyŭnyja i pieraškadžajuć narmalnamu dyjałohu. Pra heta zajaviŭ BiełaPANpres-sakratar biełaruskaha źniešniepalityčnaha viedamstva Andrej Savinych, kamientujučy infarmacyju ab praciahnieńni Złučanymi Štatami na hod dziejańnia sankcyj u dačynieńni da biełaruskich čynoŭnikaŭ.
«Heta iniercyjnaje rašeńnie ŭ miežach padychodaŭ, jakija dakazali svaju bieśpierśpiektyŭnaść, — skazaŭ Savinych. — Heta jašče adna stračanaja mahčymaść dla pieravodu našych kantaktaŭ u kanstruktyŭnaje rečyšča».
Jak paviedamlałasia raniej, 13 červienia prezident ZŠA Barak Abama praciahnuŭ jašče na hod sankcyi ŭ dačynieńni da biełaruskich čynoŭnikaŭ, uviedzienyja 16 červienia 2006 hoda jaho papiarednikam Džordžam Bušam.
«U 2012 hodzie ŭrad Biełarusi pradoŭžyŭ akazvać nacisk na palityčnuju apazicyju, hramadzianskuju supolnaść i niezaležnyja ŚMI, — havorycca ŭ dakumiencie. — Parłamienckija vybary, što prajšli 23 vieraśnia, nie adpaviadali mižnarodnym standartam. Ułady advolna zatrymlivali i aryštoŭvali hramadzian za krytyku słužbovych asob abo ŭdzieł u demanstracyjach, zaklučyli ŭ turmu jak minimum adnaho pravaabaroncu pa sfabrykavanych abvinavačańniach, pieraškadžali pracy niezaležnych žurnalistaŭ».
Nahadajem, u 2006 hodzie ZŠA ŭviali vizavyja i finansavyja abmiežavańni dla dziesiaci čałaviek:Alaksandra Łukašenki, Viktara Łukašenki (pamočnik prezidenta), Lidzii Jarmošynaj (staršynia CVK), Viktara Hałavanava (były ministr justycyi), Viktara Šejmana (pamočnik prezidenta pa asablivych daručeńniach), Dźmitryja Paŭličenki (tady — kamandzir SACHR), Ściapana Sucharenki (tady — staršynia KDB), Alaksandra Zimoŭskaha (tady — staršynia Biełteleradyjokampanii), Uładzimira Navumava (tady — ministr unutranych spraŭ), Natalli Piatkievič (tady — namieśnik kiraŭnika Administracyi prezidenta). Amierykanskim kampanijam zabaroniena zaklučać ździełki z hetymi ludźmi.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary