Pieršy demakratyčna abrany prezident Jehipta Muchamied Mursi, jaki byŭ adchileny ad ułady ŭviečary ŭ sieradu, zaraz znachodzicca pad kantrolem vajskoŭcaŭ. «Jon zatrymany previentyŭna dla budučych krokaŭ», — cytuje brytanskaja presa ananimnaha pradstaŭnika armii.
Raniej źjaviłasia infarmacyja, što skinuty prezident znachodzicca ŭ budynku vajennaj raźviedki Jehipta.
Pa słovach nienazvanaha vysokapastaŭlenaha pradstaŭnika kamandavańnia ŭzbrojenych siłaŭ Jehipta, Mursi zatrymany ŭ suviazi z mahčymym pradjaŭleńniem jamu abvinavačvańniaŭ. Jak paviedamili jehipieckija ŚMI,
Siły biaśpieki pačali masavyja aryšty siarod «Bratoŭ-musulman», upłyvovaha hramadskaha ruchu, jaki padtrymlivaŭ režym Mursi.
U 2012 Mursi bałatavaŭsia ŭ prezidenty jak kandydat palityčnaha kryła hetaha ruchu, ale paśla abrańnia na pasadu prezidenta aficyjna vyjšaŭ ź jaho šerahaŭ.
Źjaviłasia infarmacyja ab zatrymańni viarchoŭnaha lidara «Bratoŭ-musulman» Muchamieda Badyja, jaho namieśnika Rašada al-Bajumi i Saada al-Katatni, kiraŭnika Partyi svabody i spraviadlivaści, sfarmiravanaj na bazie ruchu.
Pa dadzienych jehipieckich aficyjnych asob, paśla taho jak vajskoŭcy abviaścili pra adstaŭku prezidenta, u sutyknieńniach prychilnikaŭ i praciŭnikaŭ Mursi zahinuli, prynamsi, 14 čałaviek. Kala 50 čałaviek byli paranienyja.
Ministr abarony Jehipta hienierał Abdel-Fatach al-Sisi viečaram 3 lipienia źviarnuŭsia da naroda z televizijnym zvarotam, u jakim abviaściŭ, što Muchamied Mursi bolš nie źjaŭlajecca prezidentam krainy. Tranślacyju pramovy ŭ žyvym efiry viali telekanały.
Paśla kansultacyj ź lidarami hramadskich i relihijnych arhanizacyj armija pryniała rašeńnie prypynić dziejańnie kanstytucyi, pryznačyć kiraŭnika kanstytucyjnaha suda časovym kiraŭnikom dziaržavy, a taksama sfarmiravać niejtralny technakratyčny ŭrad i pryznačyć novyja vybary.
Akramia taho, u Jehipcie budzie stvorany kamitet nacyjanalnaha adzinstva, u jaki ŭvojduć usie palityčnyja i hramadskija siły krainy. Funkcyi hetaha kamiteta pakul nie vyznačany.
Pa słovach hienierała, vojska nie budzie ŭmiešvacca ŭ palityku, ale budzie padtrymlivać zakonnaść, spakoj i paradak padčas pierachodnaha pieryjadu.
Na płoščy Tachryr rašeńnie było sustreta salutam.
Pratesty suprać prezidenta Mursi pačałosia 30 červienia - u hadavinu jaho inaŭhuracyi.Sotni ludziej pratestavali suprać pabudovy prezidentam aŭtarytarnaj sistemy kiravańnia i niazdolnaści ŭrada palepšyć stan ekanomiki.
Mursi i jaho prychilniki ź liku jehipieckich isłamistaŭ zajaŭlali, što buduć zmahacca za zakonny ŭrad i, kali spatrebicca, voźmuć u ruki zbroju. Pakul nijakaj aktyŭnaści ź ich boku nie nazirajecca.
Mursi pryjšoŭ da ŭłady ŭ 2012 hodzie paśla pieršych u historyi krainy svabodnych demakratyčnych vybaraŭ.U druhim tury jon atrymaŭ vierch nad hienierałam Achmiedam Šafikam, nabraŭšy 51% hałasoŭ. Ale niazdolnaść urada padniać ekanomiku abrynuła papularnaść Mursi.
Ani AAN, ani ZŠA, ani Jeŭrasajuz pakul nie vystupili z asudžeńniem vajskovaha pieravarotu ŭ spadziavańni, što jon skončycca demakratyčnymi vybarami.
Kamientary