Zabylisia na muzyčny znak biemol: bieź jaho himn hučyć u inšaj tanalnaści.
Novuju płošču Dziaržaŭnaha ściaha ŭračysta adkryli 2 lipienia.Na cyrymoniju padniaćcia ściaha sahnali niekalki tysiačaŭ studentaŭ, a razam z Łukašenkam prysutničaŭ i prezident Łaosa Ciumali Sajniason.
I ŭžo padčas adkryćcia ŭ azdableńni płoščy kala budučaj rezidencyi Łukašenki znajšli niedakładnaść. Karystalnik adnaho ź biełaruskich forumaŭ apisaŭ situacyju: «Tolki što pryjšoŭ z płoščy ściaha, jaki ščaśliva padniali.
Baču, što muzyki, jakija prysutničali na mierapryjemstvie, niejak zahadkava rahočać. Spytaŭ. Akazałasia, sprava ŭ himnie. Na hetaj płoščy staić manumient, na jakim napisany słovy himna i noty pieršaha radka himna. Viadoma ž, bolšaści ludziej heta ničoha nie kaža, ale reč u tym, što noty napisanyja… niapravilna.Padumaješ, niejki biemol prapuścili. To bok toj, chto budzie śpiavać pa notach dziaržaŭny himn krainy, prabačcie, napiaje trochi inšuju miełodyju. A moža tak i treba?»
Karespandent «NN» źjeździŭ na płošču Dziaržaŭnaha ściaha i pahladzieŭ na plitu z tekstam dziaržaŭnaha himnu.
Pad tekstam raźmieščanyja čatyry takty z muzykalnaha supravadžeńnia da himna, napisanaha Nieścieram Sakałoŭskim. Sapraŭdy, skulptary zabylisia dadać muzyčny znak alteracyi — biemol.
Takim čynam, niaŭvažlivyja supracoŭniki źmianili tanalnaść tvora z
Niedaśviedčany ŭ muzyčnaj teoryi čałaviek nie zaŭvažyć najaŭnaść hetaj pamyłki, adnak hučać himn budzie ŭsio žpa-inšamu .
Z dapamohaj prostaha notnaha redaktara možna pačuć adroźnieńni pamiž viersijami.
Voś tak musić hučać kuplet słušnaj viersii himna:
A voś tak hučyć himn, uviekaviečany na płoščy Dziaržaŭnaha ściaha:
Taksama ŭ tekście himna zamiest praciažnikaŭ vykarystany złučki, ale jak i adsutnaść biemola, hetaja niedarečnaść blaknie pierad maštabami samoj100-mietrovaj płoščy, na jakoj ustalavany hihancki70-mietrovy fłahštok i ściah płoščaj udźvie-try kvatery ŭ panelnym domie.
-
«Nichto nie viedaje, ci zmoža zdradzić blizkim ludziam, kali pačnuć bić tokam». Dudzinski — pra svoj novy raman, dabro i zło
-
Palitviazień Vacłaŭ Areška sustreŭ za kratami 71‑y dzień naradžeńnia. Kaladnuju paštoŭku jamu vizualna apisvali inšyja
-
Śviatłana Cichanoŭskaja paviedamiła litoŭskim parłamientaryjam pra rašeńnie pierajechać u Polšču
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary