Litaratura55

«Čarviak»: novaje turemnaje apaviadańnie Źmitra Daškieviča

«Heta toj samy apovied, uryŭki jakoha ja publikavała ŭ siabie na staroncy. Jon byŭ napisany hod tamu i viadzie havorku pra žyćcio ŭ Horackaj i Hłybockaj kałonii. Artykuł vialiki, mahčyma, nie tak prosta adrazu pračytać jaho, ale jon napoŭnieny tym bolem i žorstkaściu rečaisnaści,
toj radaściu ad turemnych siabroŭ i horyčču rastańnia z kachanymi. Jon pra hoład u turmie i žachlivaść kamiernaj sistemy. Jon pra samotu. Pra strach pierad nieviadomaściu. Jon pra realnuju turmu, pra tuju, jakuju my nie viedajem. Heta artykuł, katory žyvy. Jon balić», — napisała na svajoj staroncy ŭ Fejsbuku žonka Źmitra Nasta Daškievič.

* * *

Ja stajaŭ u «kletcy». Heta była adna z troch kamier KPP-2 — 50 na 50 sm, z cahlanymi ścienami i zamiest dźviarej kratami, jakija hetak ža adčynialisia i začynialisia. Dziakujučy dyzajnierskim asablivaściam, budy hetyja i nazyvajuć u narodzie «kletkami» ci «stakanami».

KPP-2, jak i kožnaje takoje KPP u inšych łahierach, padzialaje žyłuju i pracoŭnuju zony. Aproč kamier dla pravaparušalnikaŭ, na KPP, pieradusim, znachodziacca: pakoj dziažurnaha, dzie ŭstalavany elektronnyja prybory kantrolu kałonii; u vyhladzie dźviarnoj ramy — mietałašukalnik, praź jaki musiać prachodzić zeki viartajučysia z pramzony. Jość tut jašče nievialiki kabiniecik, na ścianie jaho visić płastykavy makiet zony z usimi abarončymi rubiažami: adnačasova i pakoj dla instruktažu źmieny pierad pracaju, i pierakusačnaja; a pobač mieścicca pakoj dla dahladu asudžanych, pierad zakryćciom u «stakan». U pakoi hetym, čamuści, staić vializny siejf.

— Što zachoŭvajecie ŭ siejfie? — zapytaŭ ja niejak u kantralora, katory asabliva pilna tam mianie raździavaŭ.

— Paśladoŭnaść rasstrełu bandytaŭ pry nadzvyčajnym stanoviščy, — ci toje usurjoz, ci toje pa prykołu zajaviŭ mnie nahladčyk.

— Dyk jakija vam paśladoŭnaści? — daŭ ja ŭ svaju čarhu paradu. — Šmalajcie ŭsich naprava-naleva i kancy ŭ vadu.

— Nu tak, vady tut šmat, — zahadkava pahadziŭsia toj.

Što mnie było jašče kazać? Vady i sapraŭdy tam šmat — zona staić u voziery. Viciebščyna — kraj błakitnych azioraŭ.

— Trymaj.

Ja praciahnuŭ z kletki ruku i zek hetak ža chutka pakłaŭ niešta mnie ŭ dałoń dy tut ža vyjšaŭ u šerahu asudžanych, što viartalisia z pracy ŭ zonu.

Ja raścisnuŭ kułak: to byli try šakaładnyja cukierki. Mianie ažno praniało: nie toje, kab ad šakaładnych pačastunkaŭ (razdavać jakija nieviadoma kamu — heta śviatatactva dla zeka), jak ad razumieńnia taho, što siarod hetaha šera-čornaha natoŭpu čałaviekaŭ, usio ž, bolš, čym toje možna było b mierkavać. Voś hety-nieviadoma chto, ale nie pabajaŭsia padtrymać, choć, biezumoŭna, viedaje, što vokamhnienna moža patrapić u niałasku i stać pobač, u susiedniuju kletku.

Čytać dalej: Čarviak

Źmicier Daškievič byŭ zatrymany — pavodle aficyjnaj viersii — 18 śniežnia 2010 h., za dzień da prezidenckich vybaraŭ, nibyta za bojku i asudžany na 2 hady pazbaŭleńnia voli za chulihanstva. Adnak u 2012 hodzie vyjaznym sudom jon byŭ pryhavorany da jašče adnaho hoda źniavoleńnia, niby za niepadparadkavańnie supracoŭnikam milicyi. Vyjści na volu Źmicier Daškievič maje 28 žniŭnia 2013 hoda.

Raniej u turmie jon napisaŭ apaviadańnie «Humovy tapak».

Kamientary5

Ciapier čytajuć

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Usie naviny →
Usie naviny

Čamu vučeńni «Zachad-2025» vyrašyli pravieści ŭ centry krainy, a nie kala miežaŭ NATA — mierkavańnie ŭkrainskaha palitołaha4

Prarasijskija nadpisy na ciele ŭkrainskaha vajskoŭca vyrazaŭ chirurh padčas apieracyi4

Kala bierahoŭ Kanady zaŭvažyli redki čorny ajśbierh1

CACHAŁ zahadaŭ žycharam adnaho z rajonaŭ Tehierana evakujavacca. Zrujnujuć budynak dziaržaŭnaha telebačańnia3

ZŠA pierakidajuć na Blizki Uschod druhi avijanosiec i dziasiatki samalotaŭ8

«Pradali 1647 kupiur za 3 dni». Ažyjataž vakoł pamiatnaj banknoty Nacbanka nie ścichaje3

Stała viadoma jašče pra adnaho biełarusa, jaki vajavaŭ na baku Rasii i trapiŭ u pałon1

U paŭdniovaj Jeŭropie prajšli mitynhi suprać turystaŭ

Susiedzi zrabili kuchniu ŭ łodžyi, i ciapier u susiedziaŭ čuvać zvon posudu

bolš čytanych navin
bolš łajkanych navin

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Hałoŭnaje
Usie naviny →

Zaŭvaha:

 

 

 

 

Zakryć Paviedamić