Makiej u Bruseli: My zacikaŭlenyja va Uschodnim partniorstvie
Padrychtoŭka da vilenskaha samita Uschodniaha partniorstva stała hałoŭnaj temaj sustrečy kiraŭnikoŭ źniešniepalityčnych viedamstvaŭ krain ES i UP, što prajšła viečaram u Bruseli. U mierapryjemstvie ŭpieršyniu pryniaŭ udzieł ministr zamiežnych spraŭ Biełarusi Uładzimir Makiej.
Aficyjnych relizaŭ ab vynikach sustrečy pakul niama, adnak skupyja paviedamleńni jaje niekatorych udzielnikaŭ u sacyjalnych sietkach dazvalajuć zrabić vysnovu, što mienavita vilenski samit byŭ u centry ŭvahi na pieramovach.
Ministr zamiežnych spraŭ Šviecyi Karł Bilt adznačyŭ na svajoj staroncy ŭ Twitter: «Zaraz vielmi važnaja sustreča ź ministrami zamiežnych spraŭ usich šaści krain Uschodniaha partniorstva.
Pieraadolvajem pieraškody. Razhladajem mahčymaści».
Ministr zamiežnych spraŭ Litvy, jakaja staršyniuje ŭ ES, Linas Linkiavičus paviedamiŭ u Twitter: što ŭsie ministry paćvierdzili hatoŭnaść zrabić vilenski samit paśpiachovym.
«Tyja, chto hatovy zrabić bolš, pavinny atrymlivać bolš ad ES», — napisaŭ jon.
Naprykancy sustrečy ŭ Bruseli žurnalisty spytali va Uładzimira Makieja, ci pryjedzie jon na samit «Uschodniaha partniorstva» u Vilniu. Makiej adkazaŭ, što pakul nie viedaje:
«Ja nie viedaju, Jeŭrasajuz musić vyrašyć.Na sustrečy ź ministrami my razmaŭlali pra Samit u Vilni, razmaŭlali pra Dekłaracyju, jakaja budzie prymacca, zrabili niekalki prapanovaŭ pa jaje tekście. Pierad usim my ličym, što staŭleńnie da ŭsich partnioraŭ musić być adnolkavym, biez dyskryminacyi.
My vyrazili našuju zacikaŭlenaść supracoŭnictvam va ŭsich śfierach „Uschodniaha Partniorstva“.My ličym, što kankretnaja prajektnaja aktyŭnaść musić składać asnoŭnuju častku Vilenskaj dekłaracyi. My musim pryniać kankretny śpis prajektaŭ padčas Samita, heta dapamoža palepšyć vyhlad inicyjatyvy „Uschodniaha Partniorstva“ jak u
A voś ad adkazu pra ŭźniaćcie temy palitviaźniaŭ padčas sustrečaŭ u stalicy Bielhii Uładzimir Makiej dypłamatyčna syšoŭ:«My abmierkavali ŭsie pytańni, jakija, skažam tak, byli ŭ płanach našaha supracoŭnictva ź Jeŭrasajuzam».
***
Samit UP projdzie ŭ Vilni 28–29 listapada. Makiej braŭ udzieł u sustrečy pa zaprašeńni viarchoŭnaha pradstaŭnika ES pa zamiežnych spravach i palitycy biaśpieki Ketryn Eštan i jeŭrakamisara pa pytańniach pašyreńnia i jeŭrapiejskaj palityki susiedstva Štefana Fiule.
Heta pieršaja pajezdka Makieja ŭ Jeŭropu paśla prezidenckich vybaraŭ 2010 hoda. U studzieni
Kamientary