14-hadovaj Hańnie, jakaja abhareła na Kupalli, patrebnaja pierasadka skury.
Maci dziaŭčynki spadarynia Volha, jakaja taksama ciapier u apiokavym centry, raspaviała, što sama idzie na papraŭku, a jaje dačku čakaje apieracyja i reabilitacyja.
«U mianie sa zdaroŭjem
U majoj dački situacyja bolš składanaja. Patrabujecca pierasadka skury na pravaj ruce. Mahčyma, apieracyja adbudziecca zaŭtra. Napakutavałasia, kaniečnie, jana ad bolu i ad stresu.U jaje byli apioki II i III stupieni. Dobra, što tvar połymia mała zakranuła. Hanna amal nie moža ruchacca, z čužoj dapamohaju moža sieści. Učora namacała, što abhareli vałasy, — mocna płakała. Ale vałasy — heta ničoha, adrastuć nanava.
Z Hannaj pastajanna znachodzicca babula, bo dziaŭčynka zusim biezdapamožnaja, nie moža navat pajeści sama.Lekarka skazała, što nie mienš za dva tydni paśla apieracyi jašče budziem lažać u lakarni. Heta kali nie budzie nastupstvaŭ».
22 lipienia spadaryni Volzie telefanavali sa śledčaha kamiteta Krupskaha rajona. Pytalisia, ci budzie padavać pozvu na Alesia Puškina.
«Ja pakul nie viedaju, što adkazać. Bo nie viedaju, jakija nastupstvy buduć i što budzie z dačkoj. Viadoma, nie chaciełasia b, bo Aleś dobry čałaviek i vielmi paciarpieŭ maralna. U mianie niama mety, kab jaho pasadzić u turmu. Zrazumieła, što heta vypadkovaść, nieaściarožnaść», — skazała spadarynia Volha.
Maci inšaj paciarpiełaj,22-hadovaj Paliny, uvieś čas pobač z dačkoj u Respublikanskim apiokavym centry. Spadarynia Vieranika paviedamiła, što ŭ jaje dački spravy iduć dobra, nastroj badziory.
«Ale kali vypišuć — pakul nieviadoma, usio zaležyć ad taho, kali zahojacca rany. Adrazu paśla zdareńnia Palinie było ciažkavata: i bol, i stres, i spałochałasia, i kryŭdna, i niečakana. Ale z časam bol prachodzić, ja pobač pastajanna, tamu psichałahičny stan Paliny dobry», — kaža maci Paliny.
Spadaryni Vieranicy taksama telefanavali sa śledčaha kamiteta Krupskaha rajona. Jana adkazała, što ich supolnaje z Palinaj rašeńnie — pozvu nie padavać.
«My pretenzij da Alesia Puškina nie majem. Ja tak i skazała śledčamu. Ni ja, ni Palina na Puškina zła nie trymajem, tamu što nijakaj złoj zadumy ŭ jaho nie było, zdaryŭsia niaščasny vypadak praź nieaściarožnaść. Ja Puškina asabista nie viedaju. Ale niekalki razoŭ razmaŭlała ź im pa telefonie. Jon sam telefanuje, zapytvajecca pra stan Paliny. U mianie pra jaho skłałasia dobraja dumka».
***
Niaščasny vypadak zdaryŭsia ŭ noč z 6 na 7 lipienia ŭ Babry (Krupski rajon Mienskaj vobłaści), u siadzibie mastaka Alesia Puškina. Hatavali krupnik. Ahoń pierakinuŭsia na śpirt, jaki haspadar zalivaŭ u čan. U vyniku apioki roznaj stupieni atrymali piać čałaviek, dvoje ź ich trapili ŭ reanimacyju. Praź niekalki dzion paciarpiełych pieravieźli ŭ apiokavy centr u Minsk.
Kamientary