Akcyja «Uvaha, dzieci!» projdzie z 26 žniŭnia pa 6 vieraśnia
Śpiecyjalnaje kompleksnaje mierapryjemstva «Uvaha, dzieci!» projdzie z 26 žniŭnia pa 6 vieraśnia, paviedamiła na
Pavodle jaje słoŭ, u hety pieryjad uzrastaje niebiaśpieka dla dziaciej trapić u DTZ. Heta źviazana z tym, što dzieci viartajucca z adpačynku, pavialičvajecca kolkaść ich pieravozak asabistym transpartam, pry hetym baćki časta nie pryšpilvajuć remieniem maleńkich pasažyraŭ i nie vykarystoŭvajuć dziciačyja aŭtakresły.
Jak adznačyła śpiecyjalist, u miežach akcyi asnoŭnaja ŭvaha budzie nadavacca prafiłaktyčnaj pracy z vadzicielami i baćkami, asablivy akcent budzie zrobleny na biaśpiečnaj pieravozcy dziaciej. Płanujecca, što supracoŭniki DAI voźmuć udzieł u piedahahičnych kanfierencyjach i školnych liniejkach, naviedajuć pracoŭnyja kalektyvy.
Akramia taho, skazała pradstaŭnik DAI, u Biełarusi pravodzicca praca pa ŭdaskanalvańni arhanizacyi darožnaha ruchu.Daškolnyja i ahulnaadukacyjnyja navučalnyja ŭstanovy, a taksama muzyčnyja i spartyŭnyja škoły abśledujucca na adpaviednaść paramietram biaśpieki — blizu škoł pavinny być abstalavany tratuary i piešachodnyja darožki, a piešachodnyja pierachody i darožnyja znaki — abnoŭleny, terytoryi navučalnych ustanoŭ pavinny być aśvietleny ŭ ciomny čas sutak, aharodžany ad prajeznaj častki i h.d. Pavodle słoŭ Banadyk, najbližejšym časam na darohach blizu ŭsich ustanoŭ adukacyi Biełarusi źjavicca nadpis «Škoła» abo piktahrama, jakaja dubluje znak «Dzieci».
U miežach mierapryjemstva taksama buduć pravodzicca akcyi dla ŭsich katehoryj udzielnikaŭ darožnaha ruchu — konkursy malunkaŭ, prafiłaktyčnyja, spartyŭnyja, zabaŭlalnyja mierapryjemstvy i šmat inšaha, skazała śpiecyjalist.
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary