U kamientary da pastanovy Minekanomiki №70 ad 26 vieraśnia paviedamlajecca, što pa prapanovie Minsielhascharča praduhledžana mahčymaść pavyšeńnia ŭ kastryčniku 2013 h. na 10% hraničnych maksimalnych adpusknych cen na žytni i žytniova-pšaničny chleb, bułačnyja vyraby z pšaničnaj muki z utrymańniem pa receptury cukru i tłuščaŭ u sumie nie vyšej za 14%.
Jak tłumačyć pres-słužba Minekanomiki, havorka idzie ab rehulavańni cen vytvorcaŭ na tyja vidy chleba i bułačnych vyrabaŭ, jakija vypiakajucca pavodle prostaj receptury biez dadatkovaj syraviny i staviacca da nižniaj koštavaj hrupy.
Pastanovaj № 70 na ich ŭstaloŭvajucca košty ad 3.116 da 6.002 rubloŭ za kiłahram.
Apošni raz hraničnyja maksimalnyja adpusknyja ceny na niekatoryja vidy chleba i chlebabułačnych vyrabaŭ byli pavialičanyja 23 žniŭnia 2013 pastanovaj Minekanomiki № 59. Tady pavieličeńnie cen taksama skłała 10%.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary