Dva aŭtobusy z pryblizna vaśmiu dziasiatkami čałaviek, jakija kiravalisia ŭ Łuck, na fest «Prava być svabodnym», byli siońnia ŭnačy zatrymanyja milicyjaj pad Niaśvižam i Kojdanavam.
04.40 Moładź u Stoŭbcach jedzie na fest! Kala 20 čałaviek čakajuć ciahnika i namierany dabracca ŭ Łuck da pačatku kancerta.
02.30 Moładź źbirajecca jechać na ciahnikach! (vypracoŭvajecca novy maršrut).
02.20 Zatrymanych hościaŭ rok‑festu «Prava być volnym» ź Dziaržynskaha RAŬS pryvieźli na Centralny čyhunačny vakzał Mienska, dzie vyzvalili.
02.10 U Stoŭbcach vypuścili zatrymanuju moładzi, ale kanfiskavali aŭtobus. Moładź advieźli na čyhunačny vakzał i zahadali jechać u Minsk.
01.30 Moładź ź Dziaržynskaha RUUS viazuć u Minsk na śpiecaŭtobiesie. Ich supravadžaje aŭtazak sa śpiecnazam.
01.10 Pad Niaśvižam zatrymany druhi aŭtobus z hledačami festa. (zatrymana kala 50 čałaviek).
00.50 Da Dziaržynskaha RUUS pryjechali MAZaŭski aŭtobus i śpiecnazaŭski aŭtazak.
24.00 Moładź u aŭtobusie raskazvaje aniehdoty dy cikavyja historyja sa svajho žyćcia.
23.30 Supracoŭniki milicyi sprabujuć sfatahrafavać maładych ludziej praz škło aŭtobusa.
23.00 Dva aŭtobusa z moładziu, jakaja kiravałasia ŭ Łuck (Ukraina), dzie pavinien prajści rok‑fest «Prava być svabodnym» byli spynieny milicyjaj i DAI. Aŭtobusy z maładzionami, jakich naličvajecca kala sta čałaviek, byli, u supravadžeńni kanvoja, dastaŭleny ŭ Dziaržynsk, dzie pačałosia raźbiralnictva.
U zatrymanaj moładzi pierapisvajuć pašpartnyja dadzienyja i pravodziać asabisty dahlad. Taksama, milicyjanty patrabujuć ad maładzionaŭ paviedamić ab svaich miescach pracy ci navučanńnia. Da pastarunku, u jakim utrymlivajuć zatrymanych padjechaŭ «aŭtazak». Plany milicyjantaŭ u adnosinach da zatrymanych‑ nieviadomy.
18.30 Na pamiežnym pierachodzie Makarany, byli zatrymany muzyki, płanavaŭšyja vystupić na rok‑feście «Prava być svabodnym», jaki projdzie ŭ Łucku (Ukraina). Muzykaŭ trymali na prapusknym punkcie kala 5 hadzin, nie patłumačyŭšy pryčynu zatrymki.
«My prajechali da ukrainskaj miažy. Tak što heta była psichałahičnaja ataka. I my budziem prosta fizična niepadrychtavany da kancertu. Ale ŭsie budzie dobra! Žyvie Biełaruś!» — tak prakamientavaŭ zatrymańnie Ihar Varaškievič, lidar hurtu «Krama»
Zaraz muzyki ŭžo zapaŭniajuć mytnuju dekłaracyju.
Kamientary