Zavieršany śledčyja dziejańni pa spravie miedycynskaha centra.
«Ustanoŭlena, što padčas praviadzieńnia apieracyi pacyjentu była vykarystana niaspraŭnaja aniestezijałahičnaja aparatura dla štučnaj vientylacyi lohkich kisłarodna-pavietranaj sumieśsiu, — paviedamiła pradstaŭnica Śledčaha kamiteta Julija Hančarova. — Zhodna z atrymanami śledstvam źviestkami, pryčynaj śmierci pacyjentki Julii Kubaravaj stała amiarćvieńnie kary i šyrokich učastkaŭ padkorkavych adździełaŭ vialikich paŭšarjaŭ hałaŭnoha mozhu z pryčyny kisłarodnaha haładańnia hałaŭnoha mozhu, jakoje raźviłasia pry praviadzieńni ahulnaj aniestezii padčas apieratyŭnaha ŭmiašalnictva i paślaapieracyjnaha pieryjadu, jakaja ŭskładniłasia šeraham pracesaŭ, u vyniku čaho nastupiła poliorhannaja niedastatkovaść. Jana i stała niepasrednaj pryčynaj śmierci pacyjentki».
Kančatkovyja abvinavačvańni pradjaŭleny hienieralnamu dyrektaru centra Halinie Vałžankinaj i hałoŭnamu inžynieru inžynierna-ekspłuatacyjnaha adździeła — słužbovaja chałatnaść, jakaja paciahnuła pa nieaściarožnaści śmierć čałavieka, uraču aniestezijołahu-reanimatołahu — nienaležnaje vykanańnie prafiesijnych abaviazkaŭ miedycynskim rabotnikam, što paciahnuła pa nieaściarožnaści śmierć pacyjenta.
«Rychtujecca matyvavanaje pradstaŭleńnie ab likvidacyi pryčyn i ŭmoŭ, jakija sadziejničali ździajśnieńniu dadzienaha złačynstva, pra jakoje Śledčy kamitet paviedamić dadatkova. Ciapier udzielniki kryminalnaha pracesu prystupajuć da aznajamleńnia z materyjałami kryminalnaj spravy», — skazała Hančarova.
Pacyjentka «Ekamiedservisa», 25-hadovaja žycharka Hrodna Julija Kubarava, pamierła 23 krasavika ŭ 4-j minskaj haradskoj kliničnaj balnicy praz čatyry tydni paśla rynapłastyki, praviedzienaj pa miedycynskich i estetyčnych pakazańniach u «Ekamiedservisie» (26 sakavika). Uvieś hety čas jana znachodziłasia ŭ komie.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary