Francuski trymcieńnik i amerykanskaja meladrama na ŭschodniuju temu.
NTV-Biełaruś, 21.15
NTV-Biełaruś, 23.55
BARVOVYJA REKI 2: Anioły Apakalipsysu (Bahrovyje rieki 2: Anhieły Apokalipsisa / Les Rivières Pourpres 2: Les anges de l'apocalypse)
Francyja – Italija – Vialikaja Brytanija, 2004, kalarovy, 100 chv.
Režyser: Aliŭje Daan
Roli vykonvajuć: Žan Reno, Bienua Mažymiel, Krystafer Li, Kamil Nata, Džoni Holidej, Habryel Łazur, Aŭhuścin Lehran, Sierž Rabukin
Žanr: Trymcieńnik z elementami žachaŭ, bajavik
Adznaka: 4,5 (z 10)
U klaštary znachodziać trup čałavieka, zamuravanaha zažyva. Raśśledavańnie hetaj žorstkaj spravy pačynaje adziny śviedka papiaredniaj seryi inspektar Niman (Žan Reno). Zabojstvy praciahvajucca, a porstki kapitan Reda (Bienua Mažymiel, jakoha ŭ svoj čas katavała "Pijanistka") sutykajecca z złymi sektantami.
Dźvie francuskija zorki abjadnoŭvajuć svaje vysiłki, kab zmahacca z tajamničymi bajavymi manachami, znajści patajemnyja chady ŭ linii Mažyno i spynić Apakalipsys, jaki źbirajucca raspačać niedabityja nacysty na čale z Krystaferam Li.
Režyser Aliŭje Daan sumlenna adbyvaje ramieśnicki pryhon, aperatarskaja praca Aleksa Łamarka ślizka-čyrvonaja, čornaja, chacia j sastupaje barvovym vyjavam pieršaj častki. Žan Reno zanadta zatarmožany, amal što nijaki, Bienua Mažymiel zanadta impetny. Karcina atrymlivajecca pustavataj. Imia Luka Besona – jak aŭtara scenaru – jašče harantuje dynamiku, ale ŭžo nie harantuje hłybini.
Chacia falšyvyja manachi ŭ zmročnych kapielušach, biaz tvaraŭ i z poŭnaj bajavoj vykładkaj – nadziva fotahieničnyja.
Polšča pryznała Alaksandra Mašenskaha niepažadanaj asobaj27
Kamientary