Chakieisty minskaha «Dynama» prajhrali čalabinskamu «Traktaru»
U čarhovym matčy čempijanatu Kantynientalnaj chakiejnaj lihi 15 listapada minskaje «Dynama» prajhrała ŭ Čalabinsku «Traktaru» ź likam 0:3 (0:1, 0:1, 0:1).
Šajby zakinuli Jan Bulis (18.19, asistenty — Stanisłaŭ Čystoŭ, Jaŭhien Kuźniacoŭ), Anton Hlinkin (26.01, pas — Jaŭhien Kacičaŭ) i Viačasłaŭ Asnovin (46.38, Mikita Chłystoŭ, Dźmitryj Sajustaŭ).
Štrafny čas: 4 — 8 (Zacharaŭ, 13.40, Karaŭ, 34.18 — Papoŭ, 2.34, Artamonaŭ, 6.53, Kaścicyn, 34.18, Kuźniacoŭ, 56.29).
13 listapada «Dynama» z takim ža likam sastupiła ŭ Mahnitahorsku «Mietałurhu», prapuściŭšy pa šajbie ŭ kožnym pieryjadzie.
Paśla 25 matčaŭ «Dynama» z 24 ačkami zajmaje apošniaje, 7-je, miesca ŭ dyvizijonie Babrova, apošniaje, 14-je, — u Zachodniaj kanfierencyi i 26-je — u ahulnaj tablicy (6 pieramoh u asnoŭny čas, 1 pieramoha pa bulitach, 2 paražeńni pa bulitach, 2 paražeńni ŭ aviertajmie, 14 paražeńniaŭ u asnoŭny čas, roźnica šajbaŭ 46-74).
Nastupnyja dźvie sustrečy «Dynama» taksama praviadzie na vyjeździe: 17 listapada — ź nižniakamskim «Naftachimikam», 19-ha — z ufimskim «Sałavatam Jułajevym».
Kamientary