Parłamient Litvy abviaściŭ 2014-y hod Hodam Aršanskaj bitvy ŭ honar pieramohi ŭ bitvie XVI st. nad Maskoŭskim kniastvam, paviedamlaje Delfi.lt
Zakonaprajekt, inicyjavany hrupaj parłamientaryjaŭ, jakija naležać da roznych frakcyj, u paniadziełak byŭ pryniaty 76 hałasami za.
U pastanovie śćviardžajecca, što rašeńnie pryniata z ulikam taho, što ŭ nastupnym hodzie ŭ vieraśni spoŭnicca 500 hadoŭ z momantu «histaryčnaj pieramohi Vialikaha Kniastva Litoŭskaha» ŭ bitvie pad Oršaj i abarony terytaryjalnaj cełasnaści litoŭskich ziemlaŭ».
Pa słovach inicyjatara prajektaŭ, Bitva pry Oršaj źjaŭlajecca adnoj ź vialikich pieramoh Litoŭskaj armii paśla Hrunvaldskaj bitvy i nadzvyčaj važnaj dataj dla litoŭskaj historyi.
«Pieramoha ŭ bitvie pad Oršaj, zdabytaja ŭ abaronie terytaryjalnaj cełasnaści Litvy suprać značnaj bolšaj armii (amal u try razy) dazvoliła Litvie zaklučyć pieramirje, jakoje amal na 40 hadoŭ zabiaśpiečyła mir u dziaržavie», — havorycca ŭ tłumačalnym liście.
Pastanovaj siejma ŭrad abaviazali padrychtavać prahramu uračystaściaŭ, źviazanych z hadavinaj bitvy.
Nahadajem, što 2013-y u Litvie byŭ nazvany Hodam Paŭstańnia 1863 hoda.
U Biełarusi na aficyjnym uzroŭni takija śviaty ihnarujucca.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary