Uładyka Fiłaret padaŭ u adstaŭku, kiraŭnikom BPC pryznačany mitrapalit Razanski Pavieł — nie biełarus i jaki nikoli nie žyŭ u Biełarusi
Uładyka Pavieł (Panamaroŭ) naradziŭsia ŭ Karahandzie i ŭ saviecki čas pracavaŭ, jak i Fiłaret, u Adździele zamiežnych carkoŭnych znosinaŭ.
Mitrapalitam Minskim i Słuckim pryznačany mitrapalit Razanski i Michajłaŭski Pavieł, paviedamlaje aficyjny sajt Maskoŭskaha Patryjarchata.
Mitrapalit Razanski i Michajłaŭski Pavieł naradziŭsia 19 lutaha 1952 h. u Karahandzie ŭ siamji rabočych. Adsłužyŭ u armii, trochi papracavaŭ ślesaram. U 1973—1976 hadach vučyŭsia ŭ Maskoŭskaj duchoŭnaj sieminaryi. U 1980 hodzie skončyŭ Maskoŭskuju duchoŭnuju akademiju sa stupieńniu kandydata bahasłoŭja.
Ad 1979 hoda pracavaŭ, jak i Fiłaret, u Adździele zamiežnych carkoŭnych znosinaŭ. U saviecki čas hety adździeł, jak śćviardžajuć daśledčyki, byŭ mocna infiltravany savieckimi śpiecsłužbami. Panamaroŭ pracavaŭ tady na «haračym kirunku» — kiraŭnikom misii RPC u Ijerusalimie.
Rašeńniem Śviatoha Sinoda ad 19 lutaha 1992 h. byŭ vyznačany jepiskapam Zarajskim, jaki kiravaŭ patryjaršymi prychodami ŭ ZŠA i časova ŭ Kanadzie. U 1999 hodzie pryznačany jepiskapam Vienskim i Aŭstryjskim. U 2001 hodzie ŭźviedzieny ŭ san archijepiskapa z tytułam Vienski i Budapiešcki.
Rašeńniem Śviatoha Sinoda ad 5—6 kastryčnika 2011 jamu byŭ prysvojeny tytuł Razanski i Michajłoŭski, jon byŭ pryznačany kiraŭnikom novastvoranaj Razanskaj mitrapolii. 8 kastryčnika 2011 h. uźviedzieny ŭ san mitrapalita.
Siońnia, 25 śniežnia, Śviaty Sinod pastanaviŭ zadavolić prašeńnie, padadzienaje mitrapalitam Minskim i Słuckim Fiłaretam, Patryjaršym Ekzarcham usiaje Biełarusi, ab adstaŭcy ŭ suviazi z dasiahnieńniem 75- hadovaha ŭzrostu.
Mitrapalit Fiłaret, jak viadoma, ciažka chvareŭ na dyjabiet.
Mitrapalit Fiłaret (Vachramiejeŭ) taksama nie byŭ biełarusam i taksama da pryznačeńnia nikoli nie pracavaŭ u Biełarusi.
Mnohija japiskapy i śviatary pravasłaŭnaj carkvy spadziavalisia, što novym kiraŭnikom carkvy stanie hetym razam biełarus. Nazyvalisia imiony archijapiskapa viciebskaha, japiskapa Navahrudskaha abo, prynamsi, archijarejaŭ-biełarusaŭ, što słužać u Rasii. Bo ž i Ukrainskaj, i Polskaj, i inšymi pravasłaŭnymi cerkvami kirujuć miascovyja ludzi.
Adnak patryjarch Kirył svaim rašeńniem pastaviŭ u Minsk čužoha čałavieka. Hetym jon padkreśliŭ zaležny status Biełaruskaj pravasłaŭnaj carkvy. Heta taksama vyjaŭlaje niedavier Maskvy da biełarusaŭ.
Heta taksama peŭny vyklik Alaksandru Łukašenku, jaki śćviardžaje, što ŭ sajuzie z Rasijaj Biełaruś maje niezaležnaść.
Pryznačeńnie Paŭła moža vyklikać pratest i rasčaravańnie va ŭłońni biełaruskaha pravasłaŭja, anitrochi nie mienš staražytnaha, čym maskoŭskaje.
Apytanka
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary