U Hrodnie školnicu pierajechaŭ 15- tonny KamAZ z pryčepam, paviedamiŭ načalnik adździaleńnia ahitacyi i prapahandy UDAI UUS Hrodzienskaha abłvykankama Jaŭhien Dudko.
Žudasnaje DTZ adbyłosia siońnia ŭ druhoj pałovie dnia. 13-hadovaja školnica ź siabram viartalisia dadomu z Centra pazaškolnaj pracy, dzie ŭdzielničali ŭ mierapryjemstvie. Na skryžavańni vulic Sołamavaj i Savieckich Pamiežnikaŭ pablizu piešachodnaha pierachodu jany raźvitalisia. Dziaŭčynka pajšła praz darohu ŭ bok vulicy Sałomavaj. Raptam na skryžavańni źjaviŭsia KamAZ.
Hruzavik pavaročvaŭ z boku balnicy ŭprava, u kirunku vioski Baranavičy. Papiarednie možna kazać, što na dadatkovaj siekcyi śviatłafora hareła zialonaja strełka, paviedamiŭ Jaŭhien Dudko. Nie pierakanaŭšysia ŭ adsutnaści ludziej na pierachodzie, kiroŭca, nie źnižajučy chutkaści, praciahnuŭ pavarot.
Pa słovach vidavočcaŭ, dziaŭčynka pierachodziła vulicu na mirhajučaje zialonaje śviatło, a, zaŭvažyŭšy aŭtamabil, paskoryła ruch, ale nie paśpieła dajści da padzialalnaj zony. Paśla byŭ udar levym bokam bampiera, zatym 15-tonnaja mašyna tryma kołami ź levaha boku pierajechała dzicia, piša BiełTA.
Jak paźniej paviedamiła DAI Hrodna, paciarpiełaja skanała ŭ reanimacyi.
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary