Kitajskaja karparacyja SITIC Construction Ltd. źbirajecca inviestavać u pabudovu šerahu pramysłovych abjektaŭ u Biełarusi. Kitajskaja karparacyja Beijing Uni-Construction Group Co., Ltd. (BUCC) źbirajecca budavać žyllo ŭ «haradach-spadarožnikach».
Pry udziele kitajskaj kampanii ŭ Biełarusi ŭžo realizavana niekalki budaŭničych prajektaŭ. Ciapier pradstaŭniki SITIC razam ź Biełaruskimi ministerstvami pracujuć nad šeraham novych prajektaŭ.
«Dumaju, u bližejšy čas budzie prymacca rašeńnie pa sodavym zavodzie, zavodździe pa vytvorčaści vyrabaŭ sa štučnaha kamiania», — adznačyŭ Michaił Miaśnikovič. Taksama dasiahnuta pryncypovaja damoŭlenaść z pradstaŭnikami kampanii pa stvareńni sumiesnaj prajektna-inžynirynhavaj kampanii.
Staršynia praŭleńnia Chun Bo SITIC prakamientavaŭ rašeńnie kampanii ab źmienie napramku dziejnaści ŭ Biełarusi: «Usie viedajuć, što ŭ Biełarusi my ŭžo praktyčna skončyli realizacyju troch bujnych prajektaŭ na cemientnych zavodach. Hetyja try zavody źjaŭlajucca dobrymi abjektami pa ŭzroŭni abstalavańnia, technałohij, a taksama jakaści pradukcyi nia tolki ŭ Biełarusi, ale i ŭ krainach SND i navat va ŭsim śviecie».
SITIC hatova raspačać budaŭnictva zavoda pa vytvorčaści kalcynavanaj sody mahutnaściu 200 tys. t na hod užo viasnoj 2014 hoda. Taksama SITIC paspryjaje Minbudarchitektury atrymać kredytnyja resursy z kitajskich bankaŭ.
SITIC Construction Ltd. była stvorana ŭ listapadzie 2002 hoda. Heta adna z dačernich kampanij finansavaj karparacyi SITIC Group Corporation. Asnoŭnymi napramkami dziejnaści kampanii źjaŭlajecca vykanańnie padradnych rabot pa budaŭnictvie infrastrukturnych abjektaŭ, mietro, spartyŭnych abjektaŭ, ekspartna-impartnyja pastaŭki miechaničnaha i elektronnaha abstalavańnia.
Pa vynikach 2011 hoda hetaja kampanija zaniała 32-je miesca ŭ śpisie 225 najbujniejšych suśvietnych padradnych arhanizacyj (siomaje miesca siarod kitajskich kampanij u hetym śpisie), jakija publikujecca ŭ mižnarodnym vydańni Engineering News Record.
U ciapierašni čas kampanija realizuje prajekty ŭ krainie i za miažoj na ahulnuju sumu bolš za $ 17 młrd, košt realizavanych prajektaŭ składaje bolš za $ 15 młrd.
Vizitnaj kartkaj kampanii źjaŭlajecca Pabudavany joj u Piekinie Nacyjanalny alimpijski stadyjon «Ptušynaje hniazdo». Taksama kampanija realizavała prajekty budaŭnictva mietro ŭ Tehieranie, chutkasnaj darohi ŭ Ałžyry, sacyjalnaha žylla ŭ Anhole i inš.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary