Trunu ź ciełam Žyźnieŭskaha pryvieźli na radzimu z 8-hadzinnym spaźnieńniem: zatrymka na miažy
Trunu ź ciełam Michaiła Žyźnieŭskaha dastavili da miesca pachavańnia ŭ pasiołak Znamia Pracy pad Homielem. Z-za zatrymki na miažy cyrymonija pachavańnia pačałasia amal z vaśmihadzinnym spaźnieńniem — u 19.45. Trunu pryvieźli baćka, siastra i ŭkrainskija siabry zahinułaha ŭ Kijevie aktyvista Jeŭramajdanu.
Na mohiłkach u lasnym masivie sabrałasia kala 50 čałaviek: pradstaŭniki hramadzianskaj supolnaści i palityčnych partyj, jakija pryjšli z ukrainskimi i bieł-čyrvona-biełymi ściahami, a taksama žurnalisty niedziaržaŭnych ŚMI.
Michaił Žyźnieŭski, jakomu 26 studzienia spoŭniłasia b 26 hadoŭ, byŭ siabram pravaradykalnaj ukrainskaj arhanizacyi UNA-UNSO. Jon byŭ zabity strełam u serca 22 studzienia na vulicy Hrušeŭskaha ŭ Kijevie.
26 studzienia ź Michaiłam Žyźnieŭskim raźvitalisia ŭ Kijevie. U Śviata-Michajłaŭskim sabory prajšło adpiavańnie zahinułaha biełarusa, raźvitańnie i žałobnaja pracesija, u jakoj uziali ŭdzieł tysiačy ukraincaŭ, u tym liku lidary apazicyjnych parłamienckich frakcyj Vital Kličko, Arsień Jacaniuk i Aleh Ciahnibok. Z-za pachavańnia na Majdanie Niezaležnaści było admieniena štoniadzielnaje Narodnaje vieča.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary