5 lutaha paŭviekavy jubilej śviatkuje viadomy historyk Uładzimir Lachoŭski, aŭtar vydatnych daśledvańniaŭ ab historyi Biełarusi XX stahodździa.
Lachoŭski skončyŭ histfak BDU. Potym pracavaŭ u vydaviectvie «Biełaruskaja encykłapiedyja» i časopisie «Spadčyna». Z 1999 – supracoŭnik instuta historyi Akademii navuk. Daśleduje prablemy historyi kultury i adukacyi, raźvićcia biełaruskaha nacyjanalnaha ruchu i stanaŭleńnia hramadskaje supolnaści Biełarusi ŭ XIX-XX stst.
Razam z Alaksandraj Hieś i Uładzimiram Michniukom ukłaŭ knihu «Słucki zbrojny čyn 1920 h. u dakumientach i ŭspaminach». Kniha atrymała vialikuju papularnaść i vytrymała paŭtornaje vydańnie.
«Uładzimir – dobry daśledčyk. Jon šmat uvahi ŭdzialaŭ historyi adukacyi ŭ pieryjad ad 1915 da pačatku 1920-ych, - kaža historyk Anatol Sidarevič. – U vyniku vyjšła vydatnaja manahrafija «Školnaja adukacyja ŭ Biełarusi padčas niamieckaje akupacyi 1915—1918 hh.», potym była druhaja manahrafija «Ad homanaŭcaŭ da hajsakoŭ» ab historyi moładzievaha ruchu.
Lachoŭski nie zajmajecca prapahandaj, jon zajmajecca pošukam dakumientaŭ i faktaŭ. U svaich pracach jon hruntujecca na pieršasnyja krynicy, što daje jamu vydatnyja vyniki».
U 2010 Lachoŭski ŭznaharodžany premijaj imia Lva Sapiehi. Hanarovy siabra Nacyjanalnaha histaryčnaha muzeja Biełarusi (2011). Uznaharodžany miedalom F. Bahuševiča Biełaruskaha PEN-centru (2013).
«NN» dałučajecca da vinšavańniaŭ jubilaru.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku14
Kamientary